Ind(er) saken die voe(r) den rade vand(er) stad ov(er) eene/ wile gehange(n) heeft tusschen pete(re)n van kessele ae(n)legg(er)/ ter eender zijden en(de) janne van kessele verweerd(er) sijne(n)/ brued(er) ter ande(re) aengaen(de) seke(re)n erve gelege(n) ter sluysen/ dat de voirs(creven) jan tande(re)n tiden ond(er) de banc d(aer) onder die/ ligge(n) den voirs(creven) pete(re)n heeft gegoet ende d(aer)af waerscap/ gelooft Nochtan was bevonden dats de voirs(creven) jan niet/ en was mechtich mair was sijn sone d(aer) inne gericht/ dies noyt af en ghinck d(aer) om de voirs(creven) pet(er) versocht/ dat de selve zijn brued(er) sijne(n) sone der voirs(creven) goede/ dede afgaen oft dat hij bijden rechte d(aer)toe werde/ bedwonge(n) Den voirs(creven) ja(n)ne sustine(re)nde de contrarie/ meynde dat hij des niet doen en soude sijn brued(er) en soude/ he(m) oic wed(er)om vestich(eit) doen van seke(re)n goeden die hem/ met vorweerde(n) vand(en) selve(n) pete(re)n sijne(n) brued(er) wae(re)n/ toegeseecht alsoe hij boet te thoene(n) Was get(er)mineert/ bijden rade vand(er) stad int lange gehoirt nae dat bij/ decrete va(n) meesters van rechte was geclaert dat de/ voirs(creven) jan sonder zijne(n) sone d(er) goede die de voirs(creven) jan/ sijne(n) brued(er) gegoet hadde niet mechtich en was te/ derve(n) dat de voirs(creven) jan met sijne(n) sone den voirs(creven) pete(re)n/ zijne(n) brued(er) vand(en) goeden in pet(er)s scepen(en) brieve vand(er)/ sluyzen beg(ri)pen goede guedinge doen soude en(de) sijnen/ sone mede die doen afgaen Bij alsoe dat de selve/ pet(er) die dat p(rese)nteerde den voirs(creven) janne sijne(n) brued(er)/ wed(er)om borchtocht setten soude den selve(n) sijne(n) brued(er)/ vand(er) opticht die hij te he(m)weert meynde te hebben/ te rechte te staen d(aer) en(de) alsoe dat behoe(re)n soude/ in (con)s(ili)[o] sept(embris) xii