It(em) henric crabbe sone wilen jans van outhev(er)le in p(rese)ncia/ heeft genome(n) ende bekint dat hij genome(n) heeft van jannes/ vander eyken inde proofstie als procur(eur) arnts van stakenborch/ thoff desselfs arnts metten wynnen(de) landen en(de) den toebeh(oirten)/ soe verre de voirs(creven) wilen jan crabbe en(de) henric uuter helicht/ die voirmaels gehouden hebben en(de) voirt alle de beemde/ ende bogarden desselfs arnts ald(aer) onder desselfs arnts hoff/ gelege(n) neven een dair niet dan grechten tusschen beide/ en gaen ende insgelijcx eene(n) beemt houden(de) een boender soe/ hij dair oic aen de selve beemde is gelege(n) houden(de) een boend(er)/ de selve beemde sonder den bogaert omtrint iiii(½) boende(re)n/ Te houden te hebben te wynnen en(de) te gebruyken van halfm(er)te/ naestcomen(de) eenen termijn van tweelf jae(re)n lang deen nae/ dand(er) sonder middel vervolgen(de) elcx jaers dae(re)nbinne(n) tvoirs(creven)/ hoff metten bogarde ende den wynnen(de) landen om ende voe(r)/ twintich mudden rocx goet en(de) payabel met wanne ende/ vede(re)n wel bereyt der maten van loeven(en) alle jae(re) s(in)[t] andr(iesmiss)[e]/ apostels te betalen(e) en(de) te loeven(en) te leve(re)n ende de voirscr(even)/ beemde jaerlijcx den voirs(creven) t(er)mijn due(re)nde om ende voe(r) sesthien/ pet(er)s te xviii stuv(er)s tstuc jaerlijcx sinte m(er)tens(mis)s[e] vallende/ ende ombegrepe(n) te halfmeye volbetaelt te sijne den/ voirs(creven) t(er)mijn due(re)nde quol(ibet) ass(ecutu)[m] It(em) is vorweerde dat/ de voirs(creven) arnt ende wynne alle dooft op de voirs(creven) goede/ jaerlijcx wassen(de) half ende half hebben ende als tselve/ ooft tijtveerdich sal zijn selen zij dat te geliken coste/ ter eerden doen leve(re)n ende de voirs(creven) wynne sal dat/ den voirs(creven) arnde te loeven(en) moete(n) leve(re)n Met vorweerden
//
dat de voirs(creven) arnt en(de) wynne van malcande(re)n sceyden moege(n)/ ten halven tide op alsoe dat die ghene die sceyden wilt/ dat den ande(re)n een half jaer te voe(re)n sal moete(n) cundige(n) It(em)/ sal de voirs(creven) wynne sijne(n) voirs(creven) t(er)mijn due(re)nde tsijne(n) laste/ moeten houden vege(n) ruymen en(de) royelen alle grechten/ straten weghen ende waterleyden aen oft om de voirs(creven) goede/ liggen(de) soe verre de voirs(creven) arnt d(aer) inne gehouden soude moegen/ zijn en(de) die grechten laten soe hij die bevinden sal Item/ sal de voirs(creven) wynne jaerlijcx int voirs(creven) hoff moeten leveren/ iii[c] walme(re)n stroes goet ende custbaer om die op de huysinge/ te verdecken ende alsmen die verdect sal de wynne den/ werclieden den montcost geven en(de) arnt sal de dachue(re)n/ betalen It(em) sal de voirs(creven) wynne de huysinghe vand(en) voirs(creven) hove/ houden wel en(de) loflijc op sijne(n) cost vand(er) underster rijkelen/ nederweert Item sal de voirs(creven) wynne de voirs(creven) wynnen(de) lande/ sijnen t(er)mijn due(re)nde wynne(n) werven ende mesten wel en(de)/ loflijc gelijc reengenote(n) boven ende beneden en(de) die laten/ tsijne(n) afscheyden soe hij die bevinden sal Te weten(e) den/ wynterart houden(de) omtrint nege(n) boende(re)n loflijc gemest/ ende besayt op vier getidege voe(re)n soe verre allet mest en(de)/ stroe vanden selven goeden gecomen dat sal conne(n) gestrecken/ Den somerart eens o(m)me gedaen op een voe(r) en(de) de brake oic/ op eene vore eens o(m)me gedaen te weten twee boender dair/ af gemest It(em) sal de voirs(creven) wynne jaerlijcx den voirs(creven) arnde/ moeten leve(re)n van outhev(er)le oft alsoe verre op des voirs(creven)/ arnts wijng(ar)de te loeven(en) ende dair omtrint ii[m] wijngart/ staken dair den selven wynne de voirs(creven) staken bij den voirs(creven)/ arnde bewesen sullen werden ende insgelijcx cl arnts wijn/ vand(en) wijngarde te loeven(en) ende sijn cuypen van loev(en) opden/ wijngaert leve(re)n oft voir dit leve(re)n vand(en) wijne ende/ cuypen jaerlijcx twee dage(n) met zijne(n) wage(n) en(de) peerden/ te corweyden dwelc arde best gelieft Des sal de/ wynne soe wa(n)neer hij corweyt ooft staken wijn oft/ cuypen gelijc voe(r) levert den montcost hebben It(em) is vorweerde/ dat de voirs(creven) wynne egheene vand(en) landen voirs(creven) en sal moege(n)/ hoervruchte(n) ten lesten jare vand(en) voirs(creven) t(er)mijne It(em) is vorweerde
//
oft binne(n) den voirs(creven) t(er)mijne de wynne voirs(creven) e(n)nige scade/ hadde oft lede aen de voirs(creven) goede van tempeeste hagelslage/ oft gemeynen orloge dat de voirs(creven) arnt hem d(aer) af/ afslach doen sal gelijc ande(r) meeste(re)n boven ende/ beneden hue(re)n wynnen van gelijken doen selen It(em)/ is vorweerde en(de) heeft gelooft de voirs(creven) wynne dat hij/ nae zijn beste sal verhueden des voirs(creven) arnts goede en(de)/ lande aen ende omtrint den voirs(creven) goeden gelege(n) alsoe/ wel ande(r) goede als de ghene die hij gelijc voe(r) in/ pechtinge(n) heeft van schaden die opde selve gedaen mochte(n)/ werden van beesten oft anders ende die voirt bringe(n) aen/ den offic(ie)r oft prete(r) vander plaetsen dair de goede gelege(n)/ zijn It(em) sal de voirs(creven) wynne tzijne p(ro)ffijte jaerlijcx/ hebben en(de) moege(n) nemen alle trunchout va(n) eyken/ willige(n) en(de) ande(r) aen op oft om de voirs(creven) goede staende/ tot lueke ende zijnder berringe(n) behoef uutgenome(n)/ vand(en) willige(n) staen(de) opden ham des sal hij ongehoude(n)/ zijn de grecht aen den selven ham gelege(n) te moete(n)/ vege(n) ruyme(n) oft houden Ende alle dese vorweerd(en)/(et)c(etera) Inde sunt fid(eiussores) eius t(am)q(uam) p(ri)ncipal(es) debito(r)es ind(ivisim)/ iudoc[(us)] crabbe eius f(rate)r et rener[(us)] coesmans sorori[(us)] dicti/ henrici et p(rim)[(us)] cor(am) vync vos febr(uarii) iii