It(em) jan v(ere)nalite(n) m(ar)griete boschma(n)s zijn wijf docht(er) reyners wilen/ boschma(n)s en(de) peter boschma(n)s brueder der voirs(creven) m(ar)griete(n) v(er)cle(re)nde/ en(de) affirme(re)nde alle de selve p(er)sone(n) dat de voirscr(even) peter oud/ is xxv jair en(de) d(aer)bove(n) in p(rese)ncia hebben gekint ende gelijdt/ dat hen goirdt hankairt mids den overgeven(e) en(de) transporte/ van xii(½) st(uvers) lijfpen(sien) aen arnde reers en(de) zijne(n) borge(n) en(de) twee/ crone(n) lijfpen(sien) aen g(or)de wirrts en(de) zijn borge(n) die hij op heden/ voir scepen(en) van loven(e) de(n) voirs(creven) ja(n)ne en(de) zijne(n) wive en(de)/ mids eene(n) leeu lijfpen(sien) ae(n) clause cottens en(de) zijn borge(n) (½) rijde(r)/ lijfpen(sien) aen ja(n)ne vynger xii(½) st(uvers) lijfpen(sien) ae(n) reyne(re)n bastijns en(de)/ zijn borge(n) en(de) oick xx st(uvers) lijfpen(sien) die hij op hede(n) de(n) voirscr(even)/ pete(re)n voir scepen(en) van loeven(e) getransporteert en(de) ov(er)geg(even) heeft/ Ende oick mits ande(re)n div(er)sen lasten ende coste(n) die de selve/ goirt voirmaels van hen in div(er)sen manie(re)n heeft gehadt/ volcome(n) rekeni(n)ge bescheyt voldoeni(n)ge betalinge en(de) bewijssenisse/ heeft gedae(n) van allen dien r(e)gime(n)te bewinde hanteringe(n) heffe(n)/ ontfange(n) en(de) legge(n) dat hij oft de zijne in voirleden(en) tijde(n)/ en(de) tot dese(n) daghe toe e(n)nichssins gehadt oft gedae(n) moge(n)/ hebbe(n) van hen oft e(n)nigen hue(re)n goeden oft rinten hoedanich/ die zijn have vliegen(de) erve erve oft lijfpen(sie) wair oft/ van wien hen die aencome(n) bleve(n) oft verstorve(n) ware(n) en(de)/ in wat manie(re)n dat zij en(de) oick van tghene des de voirscr(even)/ goirdt ende zijn wijf den voirs(creven) ja(n)ne en(de) zijne(n) wive in/ huweliker vorweerden toegeseecht en(de) geloeft heeft moege(n)/ hebbe(n) van lijfrinte(n) oft anders Ende insgelijx van allen/ den rechte gedeelte oft actien die de selve jan zijn wijff/ en(de) peter oft e(n)nich van hen in eenige(n) tijde toecomen(de) mochte(n)/ hebben oft eysschen oft meyne(n) te hebben oft te eysschen/ in eeniger manie(re)n in e(n)nige goide have vliegen(de) erve erve/ oft rinten die blive(n) en(de) verstorve(n) sele(n) moege(n) van en(de) nade/ doot die voirs(creven) goirts en(de) alite(n) zijns wijfs oudemoeder der/ voirscr(even) m(ar)griete(n) en(de) pet(er)s sup(er) eisdem bonis et redditib(us)/ om(n)ibus et sing(ulis) ad opus d(i)cti god(efridi) et e(ius) ux(oris) ac libe(r)or(um)/ legittimor(um) eiusde(m) god(efridi) cu(m) debita eff(estucacione) mo(do) debito renu(n)cian(tes)/ promitt(entes) null(atenus) alloqui (et)c(etera) sed war(andizare) p(ro)ut vos tybe m(ar)tii iiii[ta]