Vanden stoote questie(n) en(de) gescille(n) die geweest zijn tusschen/ alijten weduwe willems wile(n) de hane voe(r) huer en(de) hueren/ wettige(n) kinde(re)n die zij vande(n) voirs(creven) wile(n) willem(me) behoude(n) heeft/ die zij en(de) peter de hane met ja(n)ne straesborchs als mo(m)bore(n)/ der selver kinde(re)n h(ier) inne gelove(n) te v(er)vane t(er) eend(er) zijde(n) ende/ willem(me) de hane sone svoirs(creven) wile(n) willems vande(n) voirbedde/ t(er) ande(re) om tgescille dat de voirs(creven) p(ar)tien hebbe(n) aengaen(de)/ der huweliker vorweerde(n) svoirs(creven) willems des soens en(de) de(n) testa(men)[te]/ dat de selve willem de vader gemaect heeft mette(n) testame(n)te/ dat de huysvrouwe wile(n) des voirs(creven) willems d(aer) te vore(n) gemaect/ hadde ende des alle(n) dien aencleeft hebben hen de selve/ p(ar)tien eendrechtelijck gesubmitteert inde eendrechtige uuytsp(ra)ke/ vande(n) eerbe(re)n en(de) notabele(n) p(er)sone(n) janne cappart en(de) willem(me)/ van kersbeke in sulker vueghe(n) want de weduwe voirmaels/ seke(r) instrume(n)ten va(n) testame(n)te en(de) ande(r) munime(n)ten ov(er)gegeve(n)/ heeft d(aer)mede zij p(re)tendeert ghericht te sijne inde goide d(aer)inne/ gescr(even) ende willem d(aer)op geantw(er)t heeft oick in gescrifte dat/ de selve wed(uwe) op die antw(er)de met gescrifte replice(re)n sal/ tussche(n) dit en(de) van morgen ov(er) acht dage(n) en(de) wille(m) d(aer)op/ duplice(re)n oick in gescrifte bynne(n) drie weke(n) d(aer)nae en(de) bynne(n)/ eender maent d(aer)nae selen de segg(er)s inder sake(n) ofts behoift/ naerde(r) cleernisse ende informacie neme(n) van des inder saken/ behoirde geprocuceert te werden ende hue(r) uuytsprake d(aer)af/ doen bynne(n) xiiii nachte(n) d(aer)nae op dat zijs eens zijn Ende/ oft zij des niet en consten v(er)accorde(re)n dat dan de segg(er)s/ gesamender hant die sake stelle(n) sulle(n) dairt hen gelieft/ om die dan beslicht te worden bynne(n) xiiii nachte(n) d(aer)inne/ promitt(entes) ratu(m) cor(am) vos tybe januar(ii) iiii