Vander aenspraken die jan van kessele gedaen heeft inde/ banck voir meye(r) ende scepen(en) va(n) loven(en) tot laur(eis) va(n)/ wynge bege(re)nde dat hij hem dede restitue(re)n scadeloes/ alsulke(n) pande als de gezwoe(re)ne vande(n) cuyp(er)s drayers/ met hue(re)n adhe(re)nten van hem hebbe(n) voir gebreck/ va(n) betalinge(n) va(n) zeke(re)n gevallen(en) erfrinte(n) die zij hebbe(n)/ op een huys mette(n) toebehoirte(n) des voirscr(even) laur(eis) geleg(en)/ opde m(er)ct te loven(en) geheete(n) den bog(ar)t Dwelck de/ voirscr(even) jan va(n) kessele van he(m) in hueringe(n) besit/ seggen(de) dat dat alsoe sculdich es te geschien ende/ dat hij betalende zij(n) hue(r) sculdich es te passe(re)n/ Dair tegen de voirscr(even) laur(eis) hem v(er)antweerden(de) en/ meynde inde restitucie voirs(creven) niet gehoude(n) zij(n) seggen(de)/ al mochte(n) de voirs(creven) geswoe(re)ne pande va(n) janne in/ handen hebben soe wae(r) de selve jan hem van/ huyshue(re)n genoech sculdich met meer woirde(n) Ende/ nae dat de voirscr(even) jan tot zijnd(er) thoene gewijst zijnde/ vanden panden die de gezwoe(re)ne va(n) ja(n)ne ond(er)hadden/ gethoent hadde dat laur(eis) vand(en) geswoerne(n) gemaent/ zijnde hen antw(er)de dat hij hen niet een mite en gave/ mair gingen tot hue(re)n panden en(de) dat alsoe jans/ van kessele panden inder gezwoerne(n) handen panden
//
ware(n) Soe wairt die sake bijde(n) scepen(en) des gemaent/ gestelt inder stat handen en(de) totter stat t(er)minacien de/ welke rappoirt hebben(de) vand(en) scepen(en) hue(r) uuytsprake/ gedaen hebbe(n) dat laur(eis) gehoude(n) sal zijn den voirscr(even)/ janne zijn afgepande have te doen restitue(re)n ende/ heeft laur(eis) van hueringen aen ja(n)ne va(n) kessele e(n)nich/ gebreck dat hij die volghe met rechte in (con)silio op(idi)/ junii vi