It(em) jouffr(ouwe) lijsbeth sboden weduwe wout(er)s wijlen pynnoc her jan py(n)noc/ huer sone ridde(re) ende vrouwe adriane van overtvelt des voirs(creven) he(re)n/ jans huysvrouwe in p(rese)ncia hebben voir hen hue(re)n erven en(de) nacomeling(en)/ gelooft ende toegeseecht der voirs(creven) jouffr(ouwe) jehannen van s(in)[te] guerix en(de)/ jouffr(ouwe) jehannen pynnox hue(re)r dochter dat zij van nu voertane hen
//
ende alle hue(r) goede die zij hebben ende besitten moigen ende hen/ voirtane toebehoiren selen quijt los en(de) schadeloes houden selen/ ende ontheffen van dien hondert guld(en) pet(er)s jairliker rinten die/ jouffr(ouwe) magriete van vorspoele weduwe wout(er)s wijlen pynnoc sone/ was jacops voirs(creven) met huweliker vorweerden in name van duarien/ aen de goede des vors(creven) wijlen jacops en(de) jouffr(ouwe) jehanne(n) van s(in)[te] guerix/ zijns wijfs was hue(r) leefdage lang tot seke(re)n valdagen houdende/ en(de) besittende es die oic der selver jouffr(ouwe) magriete(n) met vo(n)nisse der/ he(re)n p(re)sident en(de) raide ons gened(ichs) he(re)n in brabant toegewijst sijn/ opde selve goede te volgen Ende in sekerheit van dien hebben/ de vors(creven) jouffr(ouwe) lijsbeth die moeder h(er) jan en(de) zijn wijf der voirs(creven)/ moeder en(de) hue(re)r docht(er) bij orlove tshe(re)n vand(en) gronde in tijtle van/ wettigen onderpande v(er)obligeert geypoticeert en(de) te pande gesedt/ die voirs(creven) jouffr(ouwe) lijsbeth met eenen mo(m)boir en(de) de vors(creven) gehuysschen/ op hen selven de voirs(creven) goede en(de) rinte(n) dair de voirs(creven) h(er) jan bij der/ moeder en(de) dochter inne gegoedt es Ende dair toe hue(r) huys ende/ hof met allen zijnen toebehoirten acht(er) en(de) voe(r) dair zij inne woenen/ gelegen aen sinte pet(er)s kerchof te loeven(en) geheete(n) de duyve tusscen/ de goede tielmans van scoene(n)berghe en(de) de strate geheete(n) [vacat]/[vacat] It(em) eenen beemt houden(de) [vacat]/ metten kareelhoven dair op staende en(de) ande(re)n toebehorten gelegen/ aen dloevene(re)nbroec dairmen te wiltsele weert gaet binnen vrijdich(eit)/ van loven(en) tusschen de goede [vacat]/ Geloven(de) alle drie ongesundert der vors(creven) moed(er) en(de) docht(er) vand(en) voirs(creven)/ onderpanden altijt genoech te doene p(ro)ut eisd(em)