It(em) want laureys van wynghe nu ter tijt borg(er)meester die/ nae deser stat recht voir zijn wettich gebreck come(n) ende/ geleijt es tot allen den goeden have en(de) erve gielijs bodar ende dair inne met vo(n)nisse gewesen en(de) alsoe de selve met/ proclamacien en(de) kercgeboden te coope gestelt t(er) eender stas/ dagb(re)mez jan proudho(m)me en(de) jan de ha(n)nets die elck va(n)/ hen insdeels de voirscr(even) goede wille(n) v(er)antwerde(n) met rechte
//
ende de execucie des voirscr(even) laur(eys) schutte(n) Te voirde(r) want/ hen noch egheene(n) van hen die totten voirscr(even) goeden/ gheint(er)esseert zijn inder leveringen gheene(n) dach van rechte/ betekent en was ter ande(re) hebben de voirscr(even) p(ar)tien tege(n)/ malcande(re)n dach van rechte genome(n) alh(ier) inde banck voir/ meye(r) ende scepen(en) va(n) loven(en) des tweeste dijssendaichs/ nae beloken(en) paessche(n) naestcomen(de) ende heeft de voirscr(even)/ laur(eys) geconsenteert dat de execucie en(de) rechtvorderinghe/ berusten sal tott(er) tijt dat dese sake(n) tussche(n) de voirs(creven) p(ar)tie(n)/ beslicht sal zijn Ende hebben de voirscr(even) drie p(er)sone(n) geloeft/ en(de) v(er)antwert dat de voirscr(even) goede totten ynde vande(n)/ rechte niet gemindert en sullen worden actum in pleno/ consilio martii xii