SAL7371, Act: R°344.2-V°344.1 (736 of 736)
Search Act
previous | next
Act R°344.2-V°344.1  
Act
Date: 1478-06-05

Transcription

2020-01-06 by kristiaan magnus
Voe(r) den rade vander stat is come(n) lijnken docht(er) goirts wijle(n)/
storms met arnde wigger en(de) janne hoespoel hue(re)n mage(n) en(de)/
vrienden te kynne(n) geven(de) dat de selve wile(n) huer vader inder/
sterften voirtijts aflivich w(er)t desgelijx huer moeder en(de) alle/
dand(er) kinde(re) en(de) dat roelof wile(n) vander elst hadde gehadt/
de hanteringe va(n) alle hue(re)r ouders goede(n) beruerlijck ende/
omberuerlijck en(de) d(aer)mede gedaen dat hem geliefde V(er)sueken(de)/
over meest(er) anthonisse den draye(re) cyrurgijn en(de) tielma(n)ne van/
/ schouwe(n)berghe voir oghen zijnde wantse executeurs geweest/
ware(n) vanden testamente des voirscr(even) wile(n) roelofs die/
gestorve(n) was eer hij der voirscr(even) lijnke(n) rekeni(n)ghe ende/
bewijs vande(n) hue(re)n gedae(n) hadde en(de) twee o(n)mondige kinde(re)/
hadde gelate(n) en(de) hem d(er) execucie(n) hadde(n) onderwonde(n) dat zij/
der voirs(creven) lijnken rekeni(n)ge en(de) bewijs dade(n) hopen(de) dat zijt/
schuldich ware(n) te doene D(aer) yege(n) de voirs(creven) executeurs hen v(er)ant/
weerde(n) meynen(de) dat zij int v(er)suek va(n) lijnken niet en ware(n)/
gehoude(n) niet min zij hadde(n) geinsenteert vele va(n) des voirs(creven)/
wile(n) roelofs scriftue(re)n en(de) dair hadde(n) zij vonde(n) de rekenisse/
en(de) bewijssenisse die de voirs(creven) roelof h(ier)af acht(er) hadde gelate(n)/
d(aer) mede zij hoepte(n) te gestane want hen niet mogelijck en/
was d(aer) inne diep(er) te spreke(n) Soe is bijder stat rade de/
selve rekeni(n)ge geinsenteert geweest en(de) de voirs(creven) lijnke(n)/
en(de) huer vriende hebbe(n) die wed(er)legt De executeurs hebbe(n)/
die gesalveert met ald(er)hand(en) reden(en) v(er)cleert in beyd(er)/
zijden bij monde en(de) oick gescrifte Ende ten uuyt(er)sten/
is bijd(en) stat rade en(de) genoech bij consente va(n) beyde(n) p(ar)tie(n)/
ov(e)dragen en(de) get(er)mineert Want de voirs(creven) lijnke(n) noch jonck/
van dagen is en(de) onder hue(r) jae(re)n desgelijx de kinde(re) die/
de voirs(creven) roelof acht(er)gelate(n) heeft dat de stat dese sake/
verstelt ende stateert tot beyde de voirs(creven) lynke(n) en(de) oick/
kinde(re) roelofs tot hue(re)n jae(re)n come(n) sulle(n) zijn om dan/
d(aer)inne te geschieden des behoiren sal Act(um) in consilio/
op(idi) ip(s)o vener(is) qui(n)ta junii
Contributors
Moderated byHadewijch Masure
Last update: 2017-01-11 by kristiaan magnus