SAL7371, Akte: R°64.1 (131 van 733)
Zoek akte
Vorige | Volgende
Akte R°64.1  
Act
Datum: 1477-09-26

Transcriptie

 door 
Het zijn come(n) voir den rade vand(er) stad henric dillen va(n)/
diest tiecweve(r) aenlegg(er) ter eend(er) zijden en(de) henric speelberch/
verweerde(r) ter ande(re) ald(aer) de voirs(creven) henr(ic) dillen opdede hoe/
dat de selve speelberch onlancx hem ae(n)genome(n) en(de) ae(n)veert/
hadde te vue(re)n uut des(er) stad tot wavre een pack d(aer) inne/
wae(re)n iiii tyeke(n) iii saerge(n) een elle lijnens lakens en(de) i sac/
sond(er) den sac dairt inne gepact was Van welcke(n) packe/
de voirs(creven) speelberch den voirs(creven) dillen te wave(r) comen(de) dat/
bege(re)nde en(de) hem d(aer) nae vragen(de) niet weten en woude ontkinnen(de)/
dat ae(n)veert en(de) aengenome(n) te hebben En(de) nae dat de voirs(creven)/
dillen zijns thoeniss(en) dat hij he(m) vand(en) voirs(creven) ae(n)neme(n) ende/
ae(n)veerden des voirs(creven) pacx vermete(n) hadde bijde(n) voirs(creven) speelberch/
geschiet te sijne volcome(n) is en(de) dat ope(n)baerlijc gethoent hadde/
Soe is get(er)mineert en(de) uutgesproke(n) dat de selve speelberch/
gehouden soude sijn den voirs(creven) dillen zijn voirs(creven) pac te restitue(re)n/
oft de weerde d(aer) af ter taxacie(n) van goeden ma(n)nen hen des/
verstaen(de) cor(am) borch wynge burg(imagistris) et plu(r)ib(us) aliis de (con)s(ili)[o] sept(embris) xxvi
Nagekeken door
Moderatorkristiaan magnus
Laatste update:: 2016-10-03 door kristiaan magnus