De questie die voe(r) den rade vander stat quam tusschen/ janne van maelcote t(er) eender zijden en(de) anthonise van/ wynghe t(er) ande(re) vander betalingen van drie mudde(n) cor(ens)/ erfpachts op zeke(r) onderpande te berthe(m) gelege(n) die de/ voirs(creven) van maelcote bynne(n) eene(n) jae(r) h(er)w(er)ts gecrege(n)/ hadde tegen derfgename(n) jans wile(n) de naen elck mudde/ om vive(n)twintich r(yns) g(ulden) den guld(en) te twintich st(uvers)/ ende die de vors(creven) anthonijs van maessuije v(er)nadert/ hadde meyne(n)de te gestane met ald(er)hande goede zoe/ dat nu van hande te hande loopt Vand(en) welken/ de voirs(creven) jan van maelcote hielt de contrarie en(de)/ meynde want anthonijs vander tijt dat hij zijne/ naerd(er)scap boodt de pe(n)ni(n)ghe vand(er) quitinge(n) opde(n) wissel/ hadde gesedt in sulker weerde(n) en(de) zoe vele als die/ ten tijde dat zij gesedt ware(n) goude(n) dat hij d(aer)om alsulke(n)/ pe(n)ni(n)gen en(de) sulke als hij d(aer)om gegeve(n) hadde en(de)/ alsoe zij doen goude(n) soude hebbe(n) en(de) d(aer)entenden/ doen de guedinghe der naerd(er)scap Was bijden/ wethoude(re)n inden rade vander stadt geslicht ende/ p(ar)tien uuytgesproke(n) dat de voirs(creven) anthonijs den/ voirscr(even) janne geve(n) soude vand(er) voirscr(even) so(m)me(n) van/ lxxv r(yns) g(ulden) uuyt sake(n) d(er) naerd(er)scap voirscr(even) sulke/ pe(n)ni(n)ge als de voirs(creven) anthonijs opden wissel geset/ hadde en(de) die in sulker weerde(n) als die gouden/ als hij die sette Tegen dwelck namaels te weten(e)/ op hede(n) de voirs(creven) anth(onijs) hem geopponeert heeft meynen(de)/ te thoene(n) dat de voirs(creven) jan hem ov(er)gegeve(n) hadde en(de)/ geconsenteert de quitinge te moege(n) doen mett(er) voirscr(even)
//
so(m)men van lxxv r(yns) guld(en) tstuck te xx st(uvers) en(de) iii pl(a)c(ken)/ voe(r) den st(uver) ende dat hij d(aer)om niet tegenstaende/ d(er) voirs(creven) t(er)mi(n)acien d met sulker betalinge(n) gestane/ soude Ende zoe w(er)t wid(er) op hede(n) p(ar)tien int lange/ gehoirt nae gelegenth(eit) va(n) hue(re)r reden(en) mett(er) stat/ uuytsp(ra)ken vercleert dat zij bleve(n) bij tgheens des zij/ voe(r) h(ier) af hadden get(er)mineert in consilio januarii s(e)c(un)da