Allen (et)c(etera) doen cond dat henr(ic) de naen vleeschouwe(r) heeft/ geconst(itueert) gesedt volcome(n) macht p(ro)cu(ra)cie en(de) auct(oriteit) gegeven/ hee(re)n pete(re)n de clerc prieste(r) en(de) barbelen sclercx suster des/ voirs(creven) hee(re)n pet(er)s alle alsulcke(n) sculden als claes de/ pau hudevette(r) woenen(de) te bruessel den voirs(creven) henr(icke)/ sculdich is van vercochte(n) ende geleverden huyden Te/ mane(n) teyssche(n) op te bue(re)n en(de) te ontfange(n) dair voe(r) ofts/ noot zij met rechte rasteme(n)te te doen legge(n) te bedinghen/ te vervolge(n) te wynne(n) te verliesen voir de wet der stad/ van bruessel oft elde(r) dair en(de) alsoe dat behoe(re)n sal/ composicie en(de) mynlike yffeni(n)ghe van al des voirs(creven)/ is te maken den voirs(creven) clase de pau te quite(re)n ende/ volcome(n) quitan(cien) te geve(n) ende voirt dair inne/ ende in al des dair aen e(n)nichssins cleve(n) mach te/ doen(e) ende te vorde(re)n allet des de voirs(creven) henr(ic) doen/ ende vorde(re)n soude moege(n) waert dat hij altijt tegewoirdich/ ende voir ooghen ware Promitten(tes) rat(um)/ salvo iusto calculo cor(am) wynghe burg(imagistro) roelants/ boxhore(n) scab(inis) febr(uarii) v