It(em) het zijn come(n) voe(r) den borg(er)meest(er) janne vand(er) borch/ wout(er) celle ende g(er)truyt van kessele zijn meyssen t(er) eender/ en(de) willem lambrechts t(er) ande(re) aldair de voirscr(even) willem/ opdede en(de) seyde dat hij voirtijts den voirscr(even) twee p(er)sone(n)/ voir scepen(en) van loven(en) bekint hadde eene so(m)me van/ pe(n)ni(n)gen d(aer)voe(r) de voirscr(even) g(er)truyt hue(r) hadde doe(n) leyden/ en(de) vo(n)nisse(n) va(n) contu(m)acien op willems goede(n) dien navolgen(de)/ hadde en(de) hue(r) gebreke(n) gepijnt bij eede te affirme(re)n bove(n)/ dien dat wouter dien mede en(de) gelijck hue(r) de voirscr(even)/ so(m)me was bekint zeke(r) pe(n)ni(n)ge opde selve so(m)me hadde/ gehave(n) bege(re)nde bij dien en(de) ande(re)n reden(en) de voirscr(even)/ contu(m)acie te purge(re)n Wert get(er)mineert dat de voirscr(even)/ willem opleggen soude en(de) betalen de coste(n) bijd(er) voirscr(even)/ g(er)truyden inder voirscr(even) co(n)tumacien v(er)leet ende dat hij/ d(aer)enteynden de voirscr(even) zijn co(n)tumacie met rechte souden
//
moegen purge(re)n dair toe beyde den voirscr(even) p(ar)tien dach/ van rechte beteekent wert op morge(n) inde banck voir/ meye(r) en(de) scepen(en) va(n) loven(en) en(de) wert alsoe den meye(r) va(n)/ berthem bijden voirscr(even) borg(er)meest(er) gelast vander stat wege(n)/ te cesse(re)n vander execucien op willems goede tot dat/ hij ander bevel hadde cor(am) borch burg(imagistro) ap(ri)lis vi