Acht(er)volgen(de) den vo(n)nisse gegeve(n) ulti(m)a sept(embris) lestled(en) tussche(n) de wed(uwe)/ le g(ra)nt godschart ter eenre en(de) abeerde de mont van linshain port(er)/ van des(er) stad ter ande(re) soe zijn de selve p(ar)tie(n) wed(er)om op heden come(n)/ inde banc voir meye(r) en(de) scepen(en) Aldaer de selve wed(uw)[e] alnoch/ versocht te hebben trenvoy vand(er) selv(er) saken ter plaetsen dair den/ gront d(aer) questie af was gelege(n) is te voirde(r) want zij p(rese)nteerde/ en(de) was te vreden ald(aer) alleene te age(re)n opde p(ro)p(ri)eteyt vand(en) selven/ gronde die alhier niet en behoirde ter questien hopen(de) dat dat/ hue(r) sculd(ich) wae(r) te geschieden(e) Besund(er) oic want gheen gebrec en
//
wae(re) van restitucie(n) d(er) vruchte(n) d(aer) af ind(en) voirs(creven) vo(n)nisse mencie/ gemaect is dair tege(n) de voirs(creven) abeert he(m) verantwerden(de) dede/ segge(n) dat zij sculdich wae(r) voir al te open(en) alhier huer recht dat/ zij meynde te hebben het wae(re) van huwelike vorweerde(n) d(aer) zij/ tande(re)n tiden af geruert hadde oft and(er)s om he(m) te weten(e) oft huer/ vortstel alleene he(m) fondeerde opde p(ro)prieteyt oft niet En(de) alsoe hebbe(n) de/ scep(enen) va(n) loev(en) t(er) maniss(en) smeyers met hue(re)n vo(n)nisse dese sake soe verre/ die ae(n)gaet gronde va(n) erve gesedt ter plaets(en) en(de) inde banck d(aer) onder/ den selve(n) gront gelege(n) is in sca(m)p(n)[o] oct(obris) xi