Item es den voirs(creven) br(ief) bekint te dier meyni(n)gen dat de/ voirscr(even) henrick sceyman henr(ick) comelinck en(de) g(er)t gherijs/ oft deen va(n) hen inde(n) gevalle oft de voirs(creven) henr(ick) dierix/ vand(er) reysen dair hij leecht niet en keerde mair acht(er) bleve/ d(aer)mede souden oft soude doen leyde(n) tot alle(n) de(n) goede(n)/ have en(de) erve desselfs henr(ix) dierix en(de) die besunde(r)/ de vi mudde(n) cor(en) erflijck die hij heeft op zekere/ goede en(de) onderpande jans dierix zijns vaders te b(er)them/ gelegen in div(er)sen plaetse(n) der weerdynne(n) desselfs/ henr(ix) geheelijck en(de) al om tot hue(re)n vryen eygen(en)/ wille te beke(re)n die te versetten te v(er)cope(n) en(de) d(aer)af/ te moege(n) dispone(re)n nae hue(re)r geliefte(n) te doe(n) volgen/ en(de) te bevestigen op alsoe dat zij in dien gevalle/ betale(n) soude de wettige sculde(n) acht(er) dien selve(n)/ henr(icke) dierix hue(re)n man gebleve(n) Ende inden/ gevalle oft de voirscreven henrick weder keerde
//
dat hij dan met dese(n) scultbr(ief) ende condicie(n) zijne(n) wille/ sal moegen doen en(de) die doen a(n)nichele(re)n en(de) te/ nyeute doen oft hem gelieft cor(am) eisdem