Want lijsbeth standaerts als geleyt nae des(er) stad recht voir hue(r) wettige gebreken uut crachte van scepen(en) brieve(n) van/ loeven(en) onder den ande(re)n tot allen den goeden have en(de) erve/ ja(n)nes stockelpot natuerlijcx huers soens die zij hadde van/ wilen he(re)n en(de) meester janne stockelpot doctoers in medicine(n)/ doen hij leefde hue(r) met rombout bone vorste(r) heeft i doen leve(re)n/[vacat] erflijc die de voirs(creven) ja(n)nes heeft en(de) behoude(n)/ heeft op eene(n) wijngart gelege(n) inde wijngaertstrate dien/ hij d(aer) op ja(n)ne stockelpot wijngarde(r) woenen(de) inde voirs(creven) wijngaert/ strate uutgegeve(n) hadde en(de) den selve(n) bevolen dat hij nieman(de)/ anders dan d(er) voirs(creven) lijsb(etten) als geleyt betalinge en dade/ en(de) den selve(n) janne oft hij he(m) d(aer) tege(n) oppone(re)n woude/ dach van rechte bescheyden voir meye(r) ende scepen(en) van/ loeven(en) Ten welcke(n) dage ov(er)leden noch oic op heden als/ ten verstreken(en) dage de voirs(creven) jan stockelpot noch p(ro)cur(eur) van/ zijne(re)n wegen comen en is soe hebben de scepen(en) van loeven(en)/ ter manissen smeyers nae dat hen de voirs(creven) execucie en(de)/ dachbescheydinge bij rapporte des voirs(creven) rombouts vorsters/ behoirlijc gebleken heeft geschiet te zijne gewesen voir een/ vo(n)nisse datmen de voirs(creven) geleydde vand(en) voirs(creven) rinten houden/ soude inde macht van hue(re)n beleyde soe verre dat noch voir scepen(en)/ comen en is eisd(em)