Want henrick van cuyck zone g(er)ts wile(n) van cuyck die uuyt/ crachte van zeke(re)n wettigen contracte(n) van scepen(en) br(ieve) van loven(en)/ int jair xiiii[c] neghen(en)dertich gepasseert houden(de) en(de) besitten(de) es/ eene zeke(r) erfrinte van vijftich rinssche gulden(en) tsjaers aen/ en(de) op div(er)se goede en(de) onderpande wijlen bauduyns va(n) buyten/ en(de) jacops vand(en) orshagen zijns behuwede zoens te waelhe(m)/ te conticke te duffle tsinte katlijne(n) wave(r) en(de) d(aer)omtrint geleg(en)/ nae inhoudt d(er) voirs(creven) zijnder br(ieve) hem oft tyboute steenwegs/ der stat bode in zijne(n) name metter stat oepen(en) brieve(n) gescr(even)/ aen alle officie(re)n heeft doen v(er)sueken aende officie(re)n d(er) voirscr(even)/ plaetse(n) van waelhe(m) conticke duffle en(de) tsinte ka(tlij)[ne(n)] wave(r)/ leveringe te hebben vande(n) selve(n) zijne(n) onderpanden onder elken/ van hen gelegen en(de) dach van rechte te bescheyden onder/ den ande(re)n den drossete en(de) schutters van waelhem den/ chartroisen van antw(er)pen pete(re)n hoze volde(r) henr(icke) de ke(m)pene(re)/ den possesseurs vand(en) bempde der kinde(re)n yweyns hande aende/ voirscr(even) goede hebben(de) zoe v(er)re zij gelegen zijn inden voirs(creven) plaetse(n)/ van waelhem duffle en(de) tsinte katlijne(n) wave(r) Tot welke(n)/ v(er)streken(en) en(de) beteeken(en) daghe noch oick op heden also ten dage/ dair toe dienen(de) de voirscr(even) p(er)sone noch nyema(n)t va(n) hue(re)n/ wegen come(n) en is den voirscr(even) henricke va(n) cuyck trecht/ ernstelijck voirt versuekende Soe hebben de scepen(en) va(n)/ loven(en) ter manissen smeyers nae dat hen behoirlijck heeft/ gebleken bij rappoirte des voirscr(even) tybouts tvoirs(creven) exploit/ leveringe en(de) dach bescheydinge geschiet te zijne datme(n)/ den voirscr(even) henr(icke) vand(en) voirscr(even) goeden d(aer)af de leveringe/ ind(en) voirs(creven) dorpen gedaen es en(de) tegen de voirs(creven) gedaechde/ houden sal inde macht van zijne(n) voirs(creven) scepen(en) br(ieve) ende/ leveringe(n) zoe v(er)re dat noch voir scepen(en) come(n) es in sca(m)p(n)[o]/ cor(am) scabinis novembr(is) xxii