Allen den ghenen (et)c(etera) doen cond dat de eerbe(re) hee(r) her frederic/ van witham borchgreve van daelhem (et)c(etera) heeft geconst(itueert) gesedt/ volcome(n) macht procurac(ie) en(de) auct(oriteit) gegeven janne van witham/ zijnen brueder te aenveerden te houden te hantplichten te/ rege(re)n te gebruycke(n) te vercoope(n) te versetten te belasten de/ goede en(de) heerlich(eit) vand(en) huyse van roissetten met allen sijnen/ toebehoirte(n) gelege(n) inden lande van lymborch van daelhem en(de)/ dair omtrint met al des dien aencleeft oft e(n)nichssins aencleven/ mach dair af appointeme(n)ten tractaten composicie(n) en(de) mynlike/ yffeni(n)ge te maken en(de) aen te gaen die te verantwerd(en) te/ bescudde(n) te bedinge(n) te wynnen te verliesen en(de) alle tgene d(aer)af/ en(de) des dien e(n)nichssins aengaet te doen(e) ende te vorde(re)n dat/ hij selve d(aer)af oft d(aer)inne doen en(de) vorde(re)n soude moegen waert/ dat hij telcker tijt en(de) voir ooge(n) wae(r) en(de) d(aer)toe eene(n) oft meer/ van sijnd(er) hant te stellen promitt(ens) rat(um) salvo iusto calculo/ cor(am) wynge burg(imagistro) lynden hove scabinis no(vem)[br(is)] penult(ima)