It(em) jouffr(ouwe) katlijne horekens weduwe jans wilen vanden/ hove cum tuto(r)e heeft opgedrage(n) met wettig(er) verthideniss(en)/ een stucxken erfs oft plaetsken gelege(n) inde herberghe geheete(n)/ den welde(n)man jegen den putte vand(er) selv(er) herberge(n) acht(er)/ den huyse gerarts van baussele secretar(is) d(er) stad van loeven(en)/ comen(de) ende strecken(de) van opden egghe vand(en) muere van/ dessselfs gerarts huyse tot op een cruce gemaect int/ dweerse van eene(n) quareele inden mure vand(en) voirs(creven) plaetske(n)/ gelijc dat vand(en) ande(re)n erve vand(er) voirs(creven) herberge(n) vanden/ welde(n)man met twee muere(n) verscheyden sal werden en(de)/ d(aer)af den muer vand(er) eend(er) zijde(n) ten putte weert gemaect is/ en(de) den ande(re)n muer ten naeste(n) tide gemaect sal worden Exp(osita)/ imp(ositus) d(i)c(t)us gerard(us) de baussele p(er) et sat(isfacere) et war(andizare) sub uno/ d(enario) cens(us) [t(am)q(uam) prout] Et p(ro)inde oblig(avit) de licen(cia) d(omi)ni fundi d(i)c(tu)m hospiciu(m)/ cum [domib(us) curtib(us) stabulis et aliis] om(n)ib(us) suis p(er)tinen(tiis) de quo sat(isfaciet) et war(andizabit) sub valore/ xxiii flor(enorum) renen(sium) te xx st(uvers) tstuc et sub duob(us) halstar(iis)/ silig(inis) hered(itarii) cens(us) et trecense t(am)q(uam) prout Met erfvorweerd(en)/ en(de) condicie(n) dat de voirs(creven) gerart opt voirs(creven) plaetsken/ sal moege(n) doen setten en(de) maken een bachuys tot zijne(n)/ meesten gerieve mair en sal in gheene(n) toecomen(de) tiden/ hoog(er) noch voirder opt voirs(creven) plaetsken moege(n) ty(m)me(re)n noch/ metsen noch oic in gheene(n) vand(en) voirs(creven) twee mueren doergaen(de)/ gaten noch venste(re)n ter herberge(n) weert moege(n) doen maken/ Ter ande(r) zijde(n) en sal de voirs(creven) jouffr(ouwe) katlijne noch hue(r)/ nacomelinge(n) noch erfgename(n) in egheene(n) toecomen(de) tiden/ moege(n) ty(m)me(re)n noch metsen naerde(r) den voirs(creven) plaetske(n) dairt/ nu is It(em) dat de voirs(creven) gerart ende sijn naecomelingen/ alrehande water van ende uut sijnen voirs(creven) huyse comen(de)/ sullen moege(n) opt voirs(creven) plaetsken ghieten om voirt/ zijne(n) loop te hebben doir de groote gote ald(aer) liggen(de) tussche(n)/ de voirs(creven) herberghe en(de) des voirs(creven) gerarts huyse met eender/ dweerser goten die de voirs(creven) gerart op eene(n) voet nae sijne(n)/ voirs(creven) huyse oft dair omtrint op de voirs(creven) scaelgie oft/ plaetsken legge(n) sal moege(n) behalve(n) der voirs(creven) jouffr(ouwe) in dit/ plaetske(n) hue(re)r tocht huer leve(n) lanck cor(am) roelants hanck(art) dec(embris) xxix