It(em) jan coeman sone wilen jans in p(rese)ncia heeft gelooft en(de)/ toegeseet ja(n)ne van kelfs arnde van kelfs zijne(n) brued(er)/ sone(n) wilen gheerts janne [en(de)] henr(icke) vand(en) nuwenhove gebruede(re)n
//
den wettige(n) kinde(re)n lambrechts wilen vand(en) nuwe(n)hove gheerde/ vredericx als mo(m)boir zijns wijfs ja(n)ne brugmans als/ mo(m)boir zijns wijfs ende gorde gheerts dat zij hebben/ sullen voir uut elc van hen de voirs(creven) kinde(re) vand(en) hove voir/ eene(n) p(er)soen staen(de) xiiii stuv(er)s erflijc die maken nege(n)/ clinck(arts) te xiiii st(uvers) tstuc vand(en) goede(n) chijsen en(de) pachte(n)/ die hen toecomen sullen nae de doot en(de) aflivich(eit) marie(n) vand(er)/ hofstad geheete(n) van ha(m)me wed(uwe) gorts wile(n) gheerts sone/ wilen jans voir ende eer de voirs(creven) jan coeman oft zijn/ erfg(enamen) zijns gebreken(de) inde selve goede oft pachte(n) e(n)nichssins/ sal moege(n) deylen oft deylinge bege(re)n cor(am) roelants hanck(art)/ januar(ii) x