Inder saken vand(en) coste(n) die henr(ic) van cuyck voe(r) den rade vand(er) stad/ met gescrifte en(de) specificacie(n) geeyscht heeft den p(ro)cur(eur) d(er) chartroesen/ van antwerpe(n) en(de) hue(re)n adhe(re)nten mids dat de selve d(aer) mede/ purge(re)n souden huer co(n)tumacie d(aer) inne zij jege(n) den selven henr(icke) gevalle(n)/ wae(re)n acht(er)volgen(de) d(er) stad t(er)minacie(n) Es bijden rade vand(er) stad/ rijpelijc gesien den eysch d(er) selver coste(n) tverantwerde(n) replike/ en(de) duplike overdraghen en(de) get(er)mineert dat de voirs(creven) ge(con)tumaceerde/ den voirs(creven) henr(icke) betale(n) sulle(n) van div(er)sen p(ar)tie(n) van costen bij hem aen/ offici(er)s scrive(n) voirspreke(n) boden loon en(de) anders uutgeleet lxxxvi/ stuv(er)s drie pl(a)c(ken) brabants voe(r) den stuv(er) Voirt sullen de selve/ den selve(n) henr(icke) noch betale(n) van sijne(n) voyagie(n) met sijne(n) knecht/ hier om gedae(n) xxiiii dage(n) de viii dage(n) te p(er)de en(de) de xvi/ te wagen(en) elcx sdaechs te p(er)de xvi st(uvers) ende te wagen(en) sdaechs/ viii st(uvers) en(de) sijn wage(n)huere van sesse reysen telcker reysen/ comens en(de) keerens xii stuv(er)s en(de) d(aer) mede gestaen uutgesproke(n)/ januar(ii) penult(ima)