Aldaer gord de kersmake(re) als p(ro)cur(eur) anthonijs pauwelion man en(de)/ mo(m)boir katlijne(n) vekenstijls nae des(er) stad recht come(n) en(de) geleyt is/ tot alle(n) den goeden have en(de) erve pet(er)s wile(n) bloemarts en(de)/ mychiels bloemarts wair die gelege(n) zijn in rechte come(n) is inde/ banc voir meye(r) en(de) scepen(en) van loeven(en) tege(n) henr(icke) gelts als/ man en(de) mo(m)boir katlijne(n) scoe(n)makers wed(uwe) svoirs(creven) wile(n) peters/ bloemart heeft de selve geleydde doen lesen zijn beleyt en(de)/ d(aer)entinde(n) opgedaen hoe dat hem uut versuecke vand(er) stad/ en(de) met brieve(n) gescreve(n) aen den meye(r) van belanden(en) alle de/ selve goede wae(re)n gelevert en(de) versocht alsoe dat he(m) die aen/ ende in handen worden gewijst om de wettige scult der voirs(creven)/ scepen(en) br(ieve) die hij met eede p(rese)nteerde te doen groetsen metten/ coste(n) d(aer)op geloepe(n) dair aen te verhale(n) Dair tege(n) de voirs(creven)/ henr(ic) verantwerden(de) versocht dat de selve gord specifice(re)n/ en(de) verclae(re)n soude de stucken en(de) p(or)cheele(n) d(aer) op hij ageerde/ En(de) nae dat hij die op heden dien acht(er)volgen(de) gelijc die/ hier nae bescr(even) staen in gescrifte hadde ov(er)gegeve(n) en(de) doen lesen/ formeerde hij zijn ae(n)sprake en(de) co(n)clusie d(aer)op in mate(n) voirs(creven)/ Dair tege(n) de selve henr(ic) hem verantwerden(de) sustineerde/ de contrarie ende seyde dat de selve gord d(aer)op niet sculdich/ en wae(r) te volge(n) noch he(m) die ae(n)gewijst te worden mits/ seke(re)n reden(en) luttel oft ter materie(n) om den voirs(creven) gorde zijn vervolch/ te beletten dienen(de) Ende alsoe hebben de scepen(en) van loeven(en)/ ter manissen smeyers gewijst voir een vo(n)nisse datmen den voirs(creven)/ gorde vand(en) voirs(creven) goeden houden soude inde macht van/ zijne(n) voirs(creven) beleyde soe verre dat noch voir scep(enen) comen is/ cor(am) om(n)ib(us) scab(inis) dempto hove febr(uarii) xii