It(em) gielijs van cav(er)chon in p(rese)ncia heeft gekint en(de) gelijdt gehave(n)/ te hebbe(n) en(de) ontfange(n) vand(en) edelen en(de) moegen(de) h(er)toge willem(me)/ h(er)toge te gulick en(de) totte(n) berghe greve te ravensberghe hee(r)/ te heynsberghe te diest te zichen(en) (et)c(etera) en(de) dat uut hande(n)/ mathijs vand(en) rode rentm(eester)s des voirs(creven) hee(re)n in zijnen/ voirs(creven) lande van dieste de so(m)me van thien r(yns) gul(den) uut/ saken vand(en) twintich ryns guld(en) die de voirs(creven) giel(ijs) jaerl(ijx)/ en(de) erflijc heeft en(de) houden(de) is opde goede chise en(de) pachte(n)/ des voirs(creven) h(er)toge(n) vercrege(n) tege(n) h(er) jacoppe wilen greve van/ salme(n) bescr(even) in seke(re)n scepen(en) brieve(n) van loev(en) en(de) ande(r) d(aer)/ op gemaect te twee t(er)mijne(n) Te weten(e) deen helicht te/ bamisse en(de) dand(er) helicht te paessche(n) en(de) dit vand(en) t(er)mijne/ va(n) paessche(n) lestlede(n) Bekinnen(de) he(m) de voirscr(even) gielijs/ vand(en) voirscr(even) t(er)mijne en(de) allen ande(re)n voirleden(en) t(er)mijnen/ van voe(r) den voirs(creven) paessche(n) verschene(n) volcomel(ic) genoech/ gedae(n) te zijne scelden(de) d(aer)af quite den voirs(creven) h(er)toge zijne(n)/ rintm(eeste)r en(de) goede en(de) alle ande(r) des quitan(cie) behoeven(e) eisd(em)