It(em) henr(ic) de beer sone jans ende yde zijn wijf in p(rese)ncia hebben/ genome(n) ende bekint dat zij genomen hebben van jouffr(ouwe)/ katlijne(n) van langrode weduwe jans wilen de witte thoff/ der selver jouffr(ouwe) geheeten te belsenaken met huysen hoven/ wynnen(de) landen ende beemden den selven hove toebehoeren(de)/ gelegen te herent Te houden te hebben ende te wynnen van/ half merte naestcomen(de) eenen termijn van sesse jae(re)n lang/ deen nae dande(r) sonder middel vervolgen(de) elcx jaers/ dae(re)nbinne(n) de voirs(creven) lande dierste twee jaer elc dach(mael) om/ en(de) voe(r) een half mudde corens en(de) dande(r) iiii jae(re)n/ elc dach(mael) elcx jaers om en(de) voe(r) thien mol(evate) rocx elcx/ grains goet en(de) payabel met wanne en(de) met vede(re)n wel/ bereyt alle jae(re) s(in)[t] andr(iesmiss)[e] ap(oste)ls te betalen en(de) te loeven(en) ten/ huyse d(er) voirs(creven) jouffr(ouwe) oft elde(r) binnen loeven(en) dairt huer gelieft
//
te leve(re)n En(de) de voirs(creven) beemde om en(de) voe(r) vie(r) hollan(sche) guld(en) te xvi/ stuv(er)s tstuc den stuv(er) te drie pl(a)c(ken) alle jae(re) s(in)[t] m(er)tens(mis)s[e] te betalen(e)/ den voirs(creven) t(er)mijne lang dueren(de) q(u)[o]l(ibet) ass(ecutu)[m] It(em) is vorweerde dat/ de voirs(creven) wynne(n) de voirs(creven) goede den voirs(creven) t(er)mijn lang due(re)nde houden/ wynnen werven en(de) mesten sullen wel en(de) loflijc gelijc reeng(enoten) bove(n)/ en(de) benede(n) en(de) die laten te hue(re)n afsceyden te weten(e) den wint(er)art/ wel en(de) loflijc met rogge bezaeyt de stortte eens o(m)me gedae(n)/ en(de) de brake geheel des sal de voirs(creven) jouffr(ouw) den voirs(creven) wynne(n)/ want zij de lande(n) alsoe niet ae(n)veerden en sullen mair bevinde(n)/ meswonne(n) te goede doen en(de) te hulpe(n) geve(n) drie mudd(en) cor(ens) en(de)/ twee voed(er) hoys elc voed(er) met twee p(er)den eens Te weten(e)/ thoy d(aer)af ter stont de twee mudd(en) binne(n) twee maenden naestcomen(de)/ en(de) tderde mudde afcortte(n) aenden yersten pacht It(em) is vorweerde/ dat de voirs(creven) jouffr(ouw) den voirs(creven) wynne(n) leve(re)n sal en(de) leenen alsoe/ vele ghersten en(de) even(en) als zij behoeven sullen moege(n) om den somer/ aert wel en(de) loflijc d(aer)mede te bezayen Welcke gherste en(de) even(en)/ die de voirs(creven) jouffr(ouw) hen alsoe leenen sal selen de wynnen gehouden/ zijn en(de) moeten der voirs(creven) jouffr(ouwe) ten naeste(n) tide van s(in)[t] andr(iesmiss)[e]/ wed(er) om leve(re)n t(am)q(uam) ass(ecutu)[m] It(em) selen de wynnen soe wa(n)neer d(aer) de/ voirs(creven) jouffr(ouw) yet sal doen metsen ty(m)me(re)n oft plecken va(n) ouden/ wercke den werclieden den montcost geven en(de) m(ijn) jouffr(ouw) sal de/ dachue(re)n betalen It(em) selen de wynne(n) de huysinge(n) vand(en) voirs(creven) hove/ houden vander underster rijkelen nederweert in goeden state It(em)/ selen de wynne(n) de huysinge(n) houde(n) alle jae(re) eens m(ijn) jouffr(ouw)/ wijng(ar)t hout van v(½) vierdelen wijng(ar)ts omtrint den roesselberch/ en(de) swanenberch tot loeven(en) te hue(re)n huys leve(re)n met hue(re)n wagen(en)/ en(de) p(er)den It(em) selen de wynne(n) de waterleyden strate(n) en(de) grechten/ om en(de) aen de voirs(creven) goede liggen(de) wel en(de) loflijc houden vagen/ en(de) ruymen alsoe dat m(ijn) jouffr(ouw) noch hue(re)n goeden d(aer)af gheene/ schade en come It(em) allet stroe vand(en) voirs(creven) goede(n) comen(de) sele(n)/ de wynne(n) met hue(re)n beeste(n) etten en(de) te meste bekee(re)n en(de) dat/ vue(re)n op de voirs(creven) lande slants meeste(n) p(ro)ffite en(de) ten leste(n) jae(re) dmest/ inde messie laten It(em) en selen de voirs(creven) wynne(n) de voirs(creven) lande(n) noch/ egheene van dien binne(n) den leste(n) drie jae(re)n niet moege(n) hoervruchte(n)/ It(em) is vorweerde dat de voirs(creven) wynne(n) alle jae(re) den chijs en(de) pacht/ uute(n) voirs(creven) goede(n) gaen(de) alsoe in tijts betale(n) selen in afslage vand(en)/ voirs(creven) pachte dat m(ijn) jouffr(ouw) noch hue(re)n goeden d(aer)af gheene schade en/ geschiede En(de) alle dese vorweerd(en) cor(am) opp(endorp) hove nove(m)br(is) xii