Het zijn come(n) voir den rade vander stat jan van raveschote t(er) eend(er)/ zijden ende henr(ic) staes ende henr(ic) vander stappen gezwoiren(en) vand(en)/ barbiers ambachte t(er) ande(re) Om der proeve(n) wille diemen den voirs(creven)/ janne onlanx leden om int ambacht voirs(creven) te come(n) ombehoirlijck en(de)/(contra)rie den inhouden vand(en) rolle(n) d(air)op v(er)leent hadde late(n) doen alsoe/ hij seyde want de rolle inhielde datme(n) die proeve soude geschie(n)/ aen vier meest(er)s vanden ambachte op datme(n)se gecrige(n) conste/ oft ande(re) al waest soe dat hij aen eene(n) van buyten d(air)toe onabel/ zijnde mocht hebbe(n) gemist zoe hadde hij zijn vlieme(n) d(air) de/ meeste conste soe hij meynde in gelegen wae(r) alsoe gestelt/ en(de) zijn proeve aen eene(n) meest(er) en(de) eene(n) van buyten alsoe gedae(n)/ dat hij billix tot herproeve(n) nae uuytwise(n) der rollen te wete(n)/ aen vier meest(er)s op dat hijse conste gecrige(n) soude worden/ gestelt en(de) die moege(n) doen en(de) oft hij die dan alsoe volq(ua)me/ dat hij dan meest(er) passe(re)n soude te voirde(re) want hij soe hij/ opdede ten tijde van zijnder proeve(n) niet en hadde gewete(n) dat/ zijn proeven aen vier meest(er)s soude hebbe(n) moege(n) geschien oick/ hadden e(n)nige vanden ambachte ten tijde vander selver p(ro)even/ ope(n)bairlijck gesegt datme(n) hem ongelijck hadde gedaen datme(n)/ hem alsoe inder proeve(n) van die aen onabel te laten en(de)/ ande(re) dan aen vier meest(er)s die hij wel gege gecrege(n) hadde/ hadde hijt geweten hadde doen doen met meer woirde(n) d(air)toe/ bij hem geallig(eer)t Dair tegen de geswo(r)ene deden lese(n) hue(r)/ rolle D(air)inne men beva(n)t onder de(n) ande(re)n dat de proeve soude/ geschien aen vier meest(er)s op datme(n)se vonde oft ande(re) Ende/ seyden hoe dat de selve jan ter proeve(n) gestelt is geweest/ en(de) selve die ghene bracht hadde d(air)aen hij zijn proeve doen/ woude en(de) dat d(air) e(n)nige waren vanden meest(er)s vande(n) ambachte/ diet hem p(rese)nteerden aen hen zijn proeve te laten doen dwelc/ hij niet en hadde wille(n) ae(n)nemen dese(n) en(de) meer ande(re)n reden(en)/ in wed(er)zijden aengehoirt en(de) gelet op dinhoudt vand(en) voirs(creven)/ rolle(n) en(de) al tghene dat d(air)inne was te wege(n) Es get(er)mineert/ en(de) uuytgesproken dat de voirs(creven) jan hem sal moete(n) v(er)drage(n)/ van alnoch te doene ande(re) proeve om int ambacht te comen
//
voir aender tijt toe dat hij navolgen(de) der rollen dairtoe/ schuldich sal zijn geadmitteert te worden In consilio/ op(idi) p(rese)ntibus py(n)nock berct burg(imagistris) et plu(r)ibus aliis tam/ scabinis q(uam) consiliar(iis) ip(s)o symonis et jude oct(obris) xxviii