It(em) want jan de vos die uut crachte van scepen(en) brieve(n) van/ loeven(en) nae des(er) stad recht voir zijn wettich gebreck come(n)/ en(de) geleyt is tot allen den goeden beyde have en(de) erve denijs/ kerincx waer die belege(n) zijn met des(er) stad brieve(n) gescreve(n)/ aen den meye(r) van arschot oft zijne(n) stedehoude(r) hem oft den/ bring(er) ons(er) voirs(creven) brieve(n) heeft doen leve(re)n alle de selve goede/ en(de) dach van rechte doen bescheyden den voirs(creven) denijse zijne(n)/ wive en(de) alle ande(r) hande aen de voirs(creven) goede hebben(de) oft slaende/ tot eene(n) seke(re)n dage ov(er)leden Tot welcken dage de voirs(creven) p(er)sone(n)/ noch niemant anders van hue(re)n wege(n) comen en zijn den voirs(creven)/ geleydde(n) trecht voirt versueken(de) Soe hebben de hee(re)n scep(enen)/ van loeven(en) t(er) manissen smeyers gewesen voir een vo(n)nisse nae/ dat hen behoirlijc gebleken heeft bij resc(ri)pte jans cleynart/ meyers van arschot de voirs(creven) execucie en(de) dachbescheydinghe/ geschiet te zijne datmen den voirs(creven) geleydden vand(en) voirs(creven) goeden/ houde(n) soude inde macht van sijne(n) beleyde scepen(en) br(ieven) en(de) levering(en)/ voirs(creven) soe verre alst noch voir scepen(en) comen is eisd(em)