SAL7372, Act: R°168.1 (406 of 840)
Search Act
previous | next
Act R°168.1  
Act
Date: 1478-12-19

Transcription

2019-03-25 by xavier delacourt
It(em) jan meerman van ned(er)ijssche sone wilen jans in p(rese)ncia/
heeft genome(n) tege(n) jannese vand(er) eycken inde p(ro)efstie een/
stucxken wynnents hoofs houden(de) omtrint en half boend(er)/
geleg(en) ten bog(ar)de inde p(ro)ch(ie) van ned(er)ijssche dat hij tot/
nu toe gehouden heeft toebehoe(re)nde de hee(re)n van corby Te/
houden te hebben ende te wynne(n) van sint jansmisse bap(tis)[te(n)]/
a(nn)[o] lxxvii eene(n) t(er)mijn van xii jae(re)n lang vervolgen(de)/
Elcx jaers dae(re)nbinne(n) om ende voe(r) xxvii stuv(er)s te drie/
pl(a)c(ken) tstuc jaerlijcx te kersmisse te betalen den voirs(creven) ja(n)nese/
quol(ibet) ass(ecutu)[m] Met vorweerd(en) dat de wynne voirs(creven) de voirs(creven)/
goede sijne(n) voirs(creven) t(er)mijn due(re)nde houden wynnen werven/
en(de) mesten sal wel ende loflijc gelijc reeng(enoten) boven en(de)/
beneden en(de) die laten tsijne(n) afsceyden soe hijt ae(n)veerde/
tsijne(n) yersten aencome(n) en(de) de straten en(de) wegen ald(air)/
aen liggen(de) sal de wynne houden tsijne(n) laste soe verre die/
ter hee(re)n laste sculdich mochte(n) zijn te come(n) eisd(em)
ContributorsGreet Stevens
Moderated byGreet Stevens
Last update: 2016-09-14 by Xavier Delacourt