Dair wouter ackerma(n) comen es voe(r) den rade vander stat tege(n)/ janne vander bueken dien hij inde banck voir meye(r) en(de) scepen(en)/ van loven(en) v(er)ghicht hadde xxii octobr(is) lestleden versuekende/ dat hem de selve vand(er) bueken overgave zeke(re) brieve van/ eene(n) halve(n) mudde corens erflijck die hij onderhadde toebeh(oirende)/ baten dochter jans wijlen ackerma(n)s brueders svoirs(creven) wout(er)s d(air)af/ de selve wout(er) momboir was oft voldade de so(m)me dair voe(r)/ hij den selve(n) hadde v(er)ghicht hopende dat dat alsoe behoirde/ dair tege(n) de selve vand(er) bueken sustine(re)nde de (contra)rie seyde/ dat hij die br(ieve) niet en hadde op dwelck de voirs(creven) wout(er)/ soe hij seyde ofts behoefde wel thoene(n) soude dat de selve/ vand(er) bueken hadde bekint dat hij wel wiste wie die/ brieve hadde oft wair zij ware(n) want hij de(n) wed(er)gay pacht/ selve gecocht oft afgequete(n) hadde Es get(er)mineert gelieft/ woute(re)n voirts te varen met zijnder ghichtinge(n) dat hij dat doe(n)/ mach voir meye(r) en(de) scep(enen) va(n) loven(en) dair dat behoirt In (con)silio/ m(ar)cii x