It(em) cond zij allen lieden dat reyne(r) va(n) wijtfliet woenen(de)/ te loeven(e) in p(rese)ncia heeft gegeve(n) en(de) bekint dat hij gegeve(n)/ heeft joese van ghestele sone wile(n) henr(ix) woenen(de) te/ grymberge(n) de goede desselfs reyners hier nae bescreve(n) gelege(n)/ inde prochie van grymberge(n) voirs(creven) Te weten(e) ierst elf en(de)/ een half boend(er) wynnents lants luttel min oft meer gelege(n)/ opt priesterlinde velt en(de) opte lange hage alsoe nedercomen(de)/ tot bijder tangen toe En(de) noch eene(n) beemt houden(de) sesse/ dachwand luttel min oft meer gelege(n) in grymbergerbroec die/ welcke lodewijc wijnants ende gheertruyt sijne weerdinne/ vand(en) voirs(creven) reyne(re) nutertijt in pechtinge(n) houden(de) sijn d(air)af/ hue(re)n t(er)mijn noch van half merte naestcomen(de) te weten(e) vand(en)/ dage van morge(n) viii jaer due(re)n sal Te houden te hebben te/ wynne(n) en(de) te gebruyken van den uutgaen(e) vand(en) selve(n) t(er)mijne/ eene(n) t(er)mijn van tweelf jae(re)n lang vervolgen(de) Elcx jaers/ dae(re)nbinne(n) om ende voe(r) de selve so(m)me van coren(e) ende ghelde/ en(de) voirt op alle de bespreke en(de) vorweerd(en) gelijck de/ pechtinge der voirs(creven) gehuyssche(n) vand(er) daet xiiii[c] lxxiiii/ septembr(is) iiii dat naerde(r) uutwijst en(de) begrijpt cor(am)/ tybe willem(air) m(ar)cii xv