Dair inde banc voir meye(r) ende scepen(en) van loeven(e) joes vanden/ eechoute sijne aensprake gedaen heeft int p(ri)ncipael op gheerde/ vand(en) dale ende jouffr(ouwen) marien van grymberghen zijne(n) wive en(de) elcke(n)/ van hen soe verre hem dat ae(n)cleeft doende lesen seke(re) scepen(en) br(ieven)/ van bruessel eene guedinghe der banc van goycke en(de) een ackte/ uute(n) brabantsche(n) rade Met welcke(n) bruesselschen brieve(n) sekere/ div(er)se kinnessen contracte(n) ende vorweerden bijden voirs(creven) gehuyssche(n)/ voir den voirs(creven) joese wae(re)n gepasseert gekint en(de) gelooft van div(er)sen/ goeden thiende(n) rechte(n) ende heerlich(eiden) te div(er)sen plaetsen gelege(n)/ die alst scheen de voirs(creven) gehuyssche(n) den voirs(creven) joese vercocht souden/ hebbe(n) ende gelooft dair af genoechdoen en(de) warantscap en(de) guedinge/ en(de) vestich(eit) te doene Seggende bij zijne(n) geleverden voirspreke/ dat de voirs(creven) gehuyssche(n) te coepe geveylt hadden ende oick vercocht/ de thiende met hue(re)n toebehoirte(n) gelegen te goycke eene(n) geheete(n)/ anth(onijse) van ruysbroec diese d(air)na niet hebben en woude ende/ dat zij alsoe hem aenghinge(n) ende baden die met meer ande(re)n/ goeden te willen coopen overmits groote(n) nootsaken die sij te/ dier tijt hadden Want henr(ick) de mol die van sijnd(er) huysvr(ouwen)/ wege(n) geduarijt was van ii[c] ryns guld(en) sjaers op der/ voirs(creven) gehuyssche(n) goeden te halen gelegen hadde doen vervolge(n)/ met rechte de selve goede voir twee jae(re)n acht(er)stels met/ behoirliken genechten van dageme(n)ten en(de) dat alsoe tselve/ vervolch op vie(r) oft vijf dage(n) nae uut was en(de) dat sijs alsoe/ met malcande(re)n vand(en) voirs(creven) thienden van goyc en(de) meer ande(re)n/ goeden in warachtig(er) vorme(n) van come(n)scapen ende contracte eens/ wardden nae uutwijsen vand(en) voirs(creven) scepen(en) br(ieven) van bruessel d(air)/ op gemaect die welke metgaders den ande(re)n brieve(n) en(de) acte(n)/ dair voer af geruert wort nae desen vo(n)nisse geregistreert zijn/ dat dair nae de voirs(creven) gehuyssche(n) hem dien acht(er)volgen(de) gegoet/ hebbe(n) inde voirs(creven) thiende van goyck met hue(re)n toebehoirten ende/ inde eyge(n) goede onder bruessel gelege(n) die de voirs(creven) gehuysschen/ ald(air) houden(de) wae(re)n ende die goede gelooft hadden te warande(re)n/ ende genoech te doen(e) Dat voirt was ondersproken dat zij/ hem de voirs(creven) goede los ende vrij houden souden van alsulck(er) actien/ als henr(ick) de bastaert dair toe p(re)tendeerde te hebben(e) uut saken/ van sijnen legate bij wilen jonche(r) costen van aa sijne(n) vader/ gemaect Ende dat de voirs(creven) gehuyssche(n) van des voirs(creven) is/ hen hadden bekint wel ende deugdelic vernuecht en(de) betaelt/ te sijne Dat voirt deselve joes inder voirscr(even) vorweerden ende/(con)tracte gecocht heeft trecht en(de) actie die de voirs(creven) gehuysschen
//
hadden op ende aen de goede ende heerlich(eit) ter aa gelege(n) inde(n)/ lande van gaesbeke te lymbeke ende dair omtrint nae inhout/ vand(en) selve(n) br(ieven) d(air)op gemaect dair inne zij gelooft hebben/ den selven joese te goeden(e) alst hem gelieft Ende dat in des(en) voirs(creven)/ vorweerde(n) ende contracte(n) ondersproken is geweest dat de voirs(creven)/ joes vernuege(n) ende betalen soude henr(icke) de mol sijn iiii[c] r(yns) guld(en)/ van achterstelle voirs(creven) ii[c] ryns guld(en) ende meer afdoen aen des/ voirs(creven) joes vader die de voirs(creven) gehuyssche(n) hem sculdich wae(re)n en(de) dat/ de selve joes de selve gehuysschen quijt scelde(n) soude het wa(r)e van/ geleende(n) gelde van dienste die de selve joes in vele reysen/ mijne(n) gened(igen) hee(re) voir hen hadde gedient om hue(r) leene te bescudden(e)/ Ende oic van seke(re)n costen van gedinge die hij voir hen ende van/ hue(re)n wegen bedingt ende gehadt hadde beide int parlement/ van mechlen ende oic inden brabantschen rade tegen wile(n) jonch(e)r/ costen van aa hue(re)n vader die hen uut allen sijnen goeden sluyten/ woude ende oic tegen den voirs(creven) henr(icke) den bastart Dat voirt/ inden voirs(creven) vorweerden ende contracte(n) bevorweert was dat joes/ tot sijnd(er) cost soude vueren ende bedingen tproces tegen den voirs(creven)/ henr(icke) de bastart eve(n)verre hij p(er)severe(re)n soude willen in sijn/ rechtvorderinge uut causen van sijne(n) legate voirs(creven) en(de) in gevalle/ de voirs(creven) bastart in dien triu(m)pheerde en(de) sijnd(er) saken te bove(n) quame/ dat alsdan de voirs(creven) joes die tocht goede dair voer soude moeghen/ laten gaen ende de thiende metten eygen(en) goeden voirs(creven) soude d(air)/ af moege(n) los ende vry houden Ende dat de voirs(creven) joes alle/ pointe(n) ende ar(tike)[len] voirs(creven) hadde voldaen ende oic sijn thiende te/ goyck mette(n) eygen(en) goeden onder bruessel gelege(n) wed(er)om gestelt/ te pande den voirs(creven) gehuyssche(n) om dat hij soude lossen vander/ daet vand(en) come(n)scap voirtaen en(de) los houden de goede te/ halen gelegen den voirs(creven) gehuyssche(n) toebehoeren(de) van alsulcke(n)/ ii[c] ryns guld(en) sjaers als henrick de mol voirs(creven) uut/ causen van duarien van sijnd(er) huysvrouwe(n) op de selve goede/ heeft Dwelc inder selver vorweerden oic bevorweert was/ dat hier nae de voirs(creven) henr(ick) de bastart wetende dat de voirs(creven)/ joes was inden dienste m(ijns) gened(ichs) hee(re)n inden lande va(n) lutsemb(orch)/ onder hee(re)n [ever] arnde van arenberghe dede dage(n) inde(n) brabantschen/ rade de voirs(creven) gehuyssche(n) om te resume(re)n tproces dat dair/ te vo(r)en int parlement te mechlen gehangen hadde en(de) dwelc/ ten coste svoirs(creven) joes van wegen der selver gehuysschen tege(n)/ den selve(n) bastaert ald(air) bedingt hadde geweest en(de) dair inne voirt
//
te procede(re)n dairt gelaten was Ende dat de selve gerart hem/ eens d(air) inne liet co(n)tumacie(re)n en(de) anderwerf d(air) op gedaecht sijnde/ ende dair tege(n) compare(re)nde nochtan en dede hij tegen tvoirtstel/ des voirs(creven) bastaerts niet segge(n) in grooten hinde(r) en(de) acht(er)deele svoirs(creven)/ joes mits groote(n) overtuldige(n) costen en(de) verleggen(e) als voirs(creven) steet/ dat voirt mits des(en) gefingeerde(n) en(de) heymelike(n) bedroge tussche(n)/ den voirs(creven) gerarde ende den bastaert gestudeert soe dat genoech/ te presume(re)n is de selve gerart mits der selv(er) sijnd(er) (con)tumacie(n) en(de)/ niet verantwerden(e) geduemt [es] geweest bijden voirs(creven) brabantsche(n) rade/ in vi[c] ryns guld(en) den selve(n) bastarde te betalen(e) ende vort den/ selve(n) gerarde gewesen versteke(n) van allen scriftue(re)n te moege(n) make(n)/ contrarie den voirs(creven) bastart mair datmen alleenlic soude p(ro)cede(re)n opde/ scriftue(re)n die bijden bastart souden wordden overgegeve(n) Dat voirt de/ selve joes uuter reysen comen sijnde vernemen(de) tvortstel en(de) bedroch/ in des voirs(creven) steet soe vele vervolchs heeft gedaen aen m(ijn) gened(igen) hee(re)/ den hertoghe en(de) sijne(n) hooge(n) rade dat bijden selven te nyeute gedaen is/ geweest tdecreet voirs(creven) inden brabantschen rade gegeve(n) Ende/ dat men voirt procedere(n) soude ind(en) saken beide p(ar)tien hoe(re)n in hue(re)n/ scriftue(re)n en(de) d(air)entinde(n) doen soe beho(r)en soude ende dat hij joes dair/ aen te coste gehadt hadde ii[c] ryns guld(en) en(de) meer dat des(en) acht(er)volgen(de)/ inde(n) brabantsche(n) rade geprocedeert is met overgeven(e) vand(en) scriftue(re)n/ in beyden zijden soe verre dat die tot bijder conclusien beleit is en(de) de/ voirs(creven) bastaert beduchten(de) dat he(m) tvo(n)nisse tegen gaen mochte Heeft hij/ metten selven gerarde bij hulpe(n) en(de) middele die hij d(air)toe gepractiseert/ heeft alsulk(en) heymelike tractate en(de) appointeme(n)te gemaect dat/ de selve gerart met sijnder huysvrouwen anderwerf comen is ten/ groote(n) bedroghe achterdeele en(de) schaden des voirs(creven) joes en(de) vanden/ voirs(creven) contracte(n) tussche(n) he(m) en(de) den gehuysschen voirs(creven) gelijck vo(r)e/ gepasseert ende heeft inden voirs(creven) rade m(ijn) gened(igen) hee(re)n in brabant/ op de sake d(air) af joes nochtan beleyd(er) was en(de) die gelijc vo(r)e tsijne(n)/ laste stont gerenu(n)cieert en(de) he(m) gekint vellich dair af te wesen en(de)/ sculdich geduemt te werdde(n) in alle costen d(air) o(m)me geleden Nochtan/ dat he(m) e(n)nige van m(ijns) gened(ichs) hee(re)n rade dair voe(r) die renu(n)ciacie en(de)/ ke(n)nisse geschiedde(n) te kennen gaven dat hij in dien grootlijc/ joese onrecht en(de) te cort dade nae de vrientscap die hij hem/ te meer stonden hadde bewesen en(de) dat gerart d(air) op antwerde dat/ hijs met joese eens was en(de) dat alsoe de renu(n)ciacie en(de) kennisse gelijc/ vo(r)e d(air) op voirtganc hadde Dat uut desen bekinne voirt de selve/ bastart heeft doen besetten ende beco(m)me(re)n alle de thienden en(de)/ eygen(en) goeden svoirs(creven) joes dair inne de selve joes gelijc vo(r)e gegoet is
//
laten(de) des voirs(creven) gerarts en(de) zijns wijfs goede te halen gelege(n)/ ongemoyt en(de) dat meer wae(re) hadde gerart zeder den yersten/ dingdach alhier geveylt e(n)nich scaerhout vand(en) voirs(creven) kijfgoeden/ te coope en(de) den pachte(re)n vand(er) moelen onder de selve goede/ begrepen boven al des voirs(creven) steet verboden joese e(n)nige betalinge te/ doen(e) en(de) hadde de selve joes binne(n) den naeste(n) geleden(en) jae(re) soe/ in orlog(en) soe in ande(re)n verleggen uut saken vand(en) voirs(creven) goeden/ te coste gehadt wel gedragen(de) ter so(m)men van vii[c] r(yns) guld(en)/ en(de) nu sint jansmisse naestcomen(de) quame(n) d(air)af weder te geve(n)/ ii[c] ryns guld(en) P(rese)nte(re)nde de selve joes alle de voirs(creven) pointen/ soe verre hem die ontkint wordden en(de) zij in feyte zijn geleg(en)/ te thoenen ende mette(n) minsten te gestaen(e) hopen(de) tot sijnd(er) conclusien/ wae(re)r hij dat gedoen conste dat de voirs(creven) gehuyssche(n) en(de) elc hue(re)r soe/ verre he(m) dat aencleeft naevolgen(de) den voirs(creven) tractate en(de) gelofte(n) he(m) sculd(ich)/[soude(n) zijn] behoirlike guedinge ende vestich(eit) te doen(e) van tgene d(air)af zij he(m)/ die alnoch niet en hadden gedaen en(de) d(air)enbove(n) voirt af te doen(e)/ dimpecheme(n)t en(de) dbelet hem bijde(n) voirs(creven) bekinne en(de) renu(n)ciacie(n) (contra)rie/ en(de) boven den voirs(creven) tractate(n) contracten gebuert in des voirs(creven) steet/ he(m) des getroesten(en) totte(n) rechte Dair tegen de voirs(creven) gerart he(m)/ verantwerden(de) met div(er)sen reden(en) ierst dede seggen dat alle tgene/ des tussche(n) hem en(de) sijnd(er) weerdinne(n) ter eender ende joese ter ande(re)/ in manie(re)n van tractate oft appointeme(n)te was gepasseert en(de) geco(n)traheert/ dat dat was al geschiet ter goeder trouwen en(de) gelove in manie(re)n/ van mechtich(eit) ende p(ro)curacie(n) den selve(n) joese als den ghene(n) die/ he(m) bat verstont ende wist te behulpen mette(n) rechte(n) ende costume(n) van/ desen lande bij he(m) gegeve(n) want hij gerart een man van buyte(n) lants/ was he(m) vand(en) natue(re)n van rechte(n) ende costume(n) van desen lande/ luttel verstaen(de) ende alsoe hem alse toesiend(er) ende gouv(er)neur der voirs(creven)/ sijnd(er) goed(en) gestelt ende en hadde de selve joes van desen sijnen/ goeden noyt sijns p(ro)pers gelts hellinc noch pe(n)ninc gegeve(n) Mair/ al dat hij dair af gegeve(n) mocht hebben gedient oft and(er)s gedae(n)/ was al gecome(n) vand(en) selven goeden die hij alsoe dat scheen/ gherne voir sijn p(ro)per houden en(de) he(m) ontweldige(n) soude en(de) voerhoude(n)/ soe hij eene wile tijts hadde gedae(n) en(de) dair op gereden met/ sesse p(er)den die tande(re)n tiden svoirs(creven) wile(n) costens van aa sijns/ sweers diene(r) hadde geweest Mair ten slote scheiden(de) van/ int p(ri)ncipael nochter tijt te wille(n) antwerden sustineerde hij/ want dese sake spruyten(de) quame van scepen(en) br(ieven) van bruessel en(de)/ dair oic geexhibeert wae(re)n seke(re) acten uuten rade m(ijns) gened(ichs) hee(re)n shertoge(n)
//
en(de) de deucht en(de) ondeucht vand(en) scepen(en) brieve(n) vand(en) goeden stede(n) sculdich/ wae(re) soe hij meynde gekint te worde(n) voe(r) den voirs(creven) rade ons gened(ichs)/ hee(re)n tshertoge(n) dat die sake sculdich wae(re) gere(n)voyeert te worde(n) voir den/ selve(n) rade oft d(air) die behoirde hij p(rese)nteerde caucie en(de) borchtocht te stellen/ d(air)af ald(air) rechts te plege(n) met meer woorde(n) bij he(m) geallig(eer)t tende(re)nde/ totte(n) voirs(creven) re(n)voye Dair tege(n) de voirs(creven) joes replice(re)nde sustineerde p(ri)ncipalijc/ bij drie reden(en) dat d(air)af gheen re(n)voy sculdich en wa(r)e te geschieden/ ierst want men niet bevinde(n) en soude dat vand(en) sake dair op dese/ instan(cie) rust e(n)nige litispenden(cien) rust eld(er) tusschen p(ar)tien wa(r)e Ten/ ande(re)n male want de stad van loeven(e) wae(re) eene gep(ri)vilegieerde stad/ inde welcke bijder incomst ons gened(ichs) hee(re)n ende p(ri)ncelike(n) p(ri)vilegie(n)/ die ghene die d(air) te rechte worde(n) geport namelic in dusdanighen/ stucke(n) d(air) rechts plege(n) moesten moesten ende ten derden male hadde/ de voirs(creven) gerart ten naesten dage hier voer als joes begonne(n) hadde/ sijne voirs(creven) aensprake op hem te doen(e) die geschut en(de) selve versocht/ borchtocht te hebben voir de reco(n)vencie die hij op joese soude/ willen doen alsoe dat hij in dien genoech geconsenteert hadde/ in tgerichte alhier en(de) tselve gerichte alsoe aengenome(n) ende/ bij desen hoopte hij dat tselve renvoy niet sculdich en wa(r)e/ te geschien de voirs(creven) gerart sustineerde de contrarie p(ro)teste(re)nde/ onverlet te staene oft he(m) niet genoech en wa(r)e mits den voirs(creven)/ reden(en) totte(n) re(n)voye te comen des hij niet en meynde om naede(r)/ in [der] saken het wa(r)e int stucke van re(n)voye oft anders op te doen(e)/ en(de) te antwerde(n) soe zijne(n) raet gedragen soude Es gewijst/ bij scepen(en) van loeven(e) ter manissen smeyers gelieft den voirs(creven)/ gerarde voird(er) tantwerde(n) dat hij dat doen mach cor(am) om(n)ib[(us)]/ scabinis in sca(m)pno dempt(is) lyemi(n)ghen berghen maii xvii