SAL7372, Act: R°374.1-V°374.1 (807 of 845)
Search Act
previous | next
Act R°374.1-V°374.1  
Act
Date: 1479-06-07

Transcription

2020-03-18 by xavier delacourt
Item henrick motten t(er) eender ende jan va(n) baussele die voirtijts/
getrout heeft gehadt nae staet der heyliger kercken joffr(ouwe) a(n)nen/
wile(n) tollers t(er) ande(r) zijden Sijn bij toedoen(e) en(de) onderwise va(n)/
hue(re)n vrienden met malcande(re)n v(er)accordeert eens worden en(de)/
ov(er)come(n) voir hen hue(re)n erfgename(n) en(de) naecomelinge(n) als vand(en)/
goeden gebleven nae de doot en(de) aflivich(eit) d(er) voirs(creven) joffr(ouwen) a(n)nen/
der pointen condicie(n) en(de) vorweerde(n) h(ier)nae bescr(even) die zij malca(n)de(re)n/
voir hen en(de) hue(re)n voirs(creven) nacomelinge(n) geloeft hebbe(n) goet vast/
gestentich ende va(n) weerde(n) te houden Te weten(e) yerst dat/
de voirs(creven) henr(ick) voir hem en(de) zijn nacomelinge(n) den voirs(creven) ja(n)ne/
voir zijn tocht soe langhe hij leve(n) sal sal late(n) volghe(n) deen/
helcht vande(n) prouffiten comen(de) va(n) alle(n) den leene(n) die de/
selve jan bijder voirs(creven) wile(n) jouffr(ouwen) anne(n) gebruyct en(de) beseten/
heeft alsoe wel inde v(er)valle(n) vande(n) mansscape(n) p(er)tskueren/
pontpe(n)ni(n)gen opgaen(de) boome(n) het zij eycken oft ande(re) als inde/
zeke(re) rinten chijsen weyhue(re)n schaerhoute(n) oft strunchoute(n) desgelix/
sal de voirs(creven) jan voir hem en(de) zijn nacomelinge(n) den voirs(creven) henr(icke)/
en(de) zijne(n) nacomel(ingen) laten volgen dander helcht vand(en) voirs(creven)/
leene(n) zonder d(air)inne yet meer teyssche(n) bij hem selve(n) oft bij/
yemande and(er)s het wa(r)e va(n) pe(n)ni(n)ghen oft and(er)s bij condicien/
verbrieft oft e(n)nichssins bevorwert behalve(n) dat alsulke(n) aflegge(n)/
vand(en) chijsen als henr(ick) voirs(creven) aen he(m) mach hebbe(n) late(n) afcoope(n)/
oft aflegge(n) hem alleene geheelijck van zijnd(er) helcht getoge(n)/
sal worden en(de) niet va(n) jans helcht Item heeft de voirs(creven)/
henr(ick) voe(r) hem zijne(n) erfg(enamen) en(de) nacomelinge(n) geconsenteert/
geconfirmeert en(de) geapprobeert alsulke(n) testame(n)t als de voirs(creven)/
wile(n) jouffr(ouwe) a(n)ne gemaect heeft d(air) notar(is) af es h(er) jan/
amele(n) p(ri)este(r) onderprochiae(n) va(n) sinte pet(er)s te loven(e) geloven(de)/
den voirs(creven) ja(n)ne d(air)tegen noch oick teghe(n) gheen point va(n)/
dese(n) accorde ne(m)m(er)meer te doene noch te late(n) geschien bij/
he(m) selve(n) noch bij nyemande and(er)s in gheenre wijs Ende oft/
den voirs(creven) janne bijden voirs(creven) henr(icke) oft zijne(n) nacomelinge(n) e(n)nige(n)/
stoot oft hinder in des voirs(creven) es e(n)nichssins voirt.e(n)? gedae(n) w(er)de
//
Soe heeft geloeft de voirs(creven) henr(ick) voir hem en(de) zijne nac(omelingen)/
in dien gevalle den voirs(creven) janne tot zijnder manissen op te/
legge(n) ende te betale(n) de so(m)me van hondert hollan(sche) gulden(en)/
eens als voe(r) dongebruyck van opgaen(de) boome(n) bijde(n) voirscr(even)/
henr(icke) tot dese(n) dage toe afgehouwe(n) en(de) ande(re)n v(er)valle(n) de(n) selve(n)/
janne ontoge(n) Item gebuerde den voirs(creven) janne van geldolve/
vander linden e(n)nigen stoot in zijn tocht d(air)inne en soude de voirs(creven)/
henr(ick) hem gheen v(er)antw(er)den moete(n) doe(n) voirde(r) dan hij he(m)/
in gunsten soude wille(n) doe(n) desgelijx en soude de voirs(creven) jan/
den voirs(creven) henr(icke) oft he(m) e(n)nigen stoot gebuerde inde erflijch(eit)/
bij yema(n)de anders dan va(n) ja(n)ne voirs(creven) oft va(n) zijne(n) wege(n)/
d(air)inne oick gheen v(er)antw(er)den moete(n) doe(n) voirde(r) dan he(m) beliefde/
te doen(e) Ende in dien gevalle dat den eene(n) va(n) hen stoot/
gebuerde va(n) ande(re)n p(er)sone(n) als voirs(creven) es soe soude die alle zijns/
rechts tege(n) den ghene(n) die he(m) dien stoot dade moege(n) gebruycke(n)/
in sulker mate(n) oft dit accoirt niet en wa(r)e geschiet en(de) en sal/
dit selve accoirt tot nyema(n)ts vordele getoge(n) noch v(er)stae(n) moege(n)/
worde(n) dan tussche(n) de voirs(creven) ii p(er)sone(n) en(de) hue(re)n nacomeling(en) eisd(em)
ContributorsGreet Stevens , Jos Jonckheer
Moderated byGreet Stevens
Last update: 2016-09-21 by Xavier Delacourt