It(em) jan van leeuwe die dach va(n) bewijssenisse(n) hadde op in/ goensdage naestcomen(de) om te cle(re)n tussche(n) hem en(de) symone van/ wesenbeke oft hij die costen va(n) zijne(n) vi getuyghen geg(even) ende/ betaelt hadde ten vier reysen en(de) soe vele va(n) die te doe(n) dage(n)/ alse zijn ov(er)geg(even) gescrifte vanden selve(n) coste(n) uuytwijsen heeft/ in p(rese)ncien jans va(n) ost als procur(eur) desselfs symoe(n)s gep(rese)nteert voir/ en(de) eer hij meer coste(n) inder sake(n) dede va(n) getuygen d(air)op te/ bescrive(n) dat hij te vreden wa(r)e mette(n) geheele(n) salar(is) vand(er) drie/ getuyge(n) te wete(n) va(n) willem(me) va(n) breetsijp vrancken va(n) nurode/ en(de) jannese d(er) scepen(en) clerck soe zijn gescrifte(n) uuytwise(n) ende/ vande(n) ande(re)n drien de helcht va(n) zijne(n) gheeyschten coste(n) d(air)op/ de voirs(creven) jan ae(n)nam dat den voirs(creven) symone te cundigen voe(r) de(n)/ thoendach voirs(creven) Act(um) des sat(er)daichs junii xix