SAL7372, Act: V°208.1-R°209.1 (469 of 840)
Search Act
previous | next
Act V°208.1-R°209.1  
Act
Date: 1479-01-21

Transcription

2019-05-26 by xavier delacourt
It(em) navolgende der submissien geschiet voir scepen(en) va(n) loven(en)/
thien dage in nove(m)ber lestled(en) tussche(n) janne ghijsen ter/
eender en(de) janne va(n) wittham al(ia)s van criekenbeke t(er) ande(r)/
zijden hebbe(n) de segge(re)n inder selver submissien genoempt by(n)ne(n)/
den tijde vander selver submissien hue(r) eendrechtige uuytsp(ra)ke/
gedaen inder manie(re)n en(de) opde pointe(n) als h(ier)nae volcht/
Te weten(e) yerst aengaen(de) de x r(ynsch) gulden(en) voe(r) de lastige/
rinte gefineert aen meest(er) jordane baenst dat jan van/
wittham janne ghijsen mids den ov(er)geven(en) eede die jan/
ghijse(n) d(air)af gedaen heeft die uuytreycke(n) en(de) betale(n) sal/
bynne(n) eender maent naestcomen(de) Opt point aengaen(de) den/
gedinge tussche(n) henricke va(n) stakenborch en(de) janne ghijsen/
es duytsprake dat jan va(n) wittham tussche(n) nu en(de) do(m)i(ni)cam qua/
cantat(ur) invocavit naestcomen(de) alsoe vele doe(n) sal aen henricke/
va(n) stakenborch zijne(n) swager dat hij janne ghijse(n) en(de) zij(n) goede/
va(n) dien eyssche ongemoeyt late op dat he(m) gelieft en(de) betale(n)/
janne ghijsen alsulke costen alse scepen(en) va(n) ghestele va(n) rechte/
taxe(re)n sulle(n) en(de) oft hij des niet en doet en(de) jan ghijsen/
achtervolgende zijnder voirscr(even) defensien in e(n)nig(er) so(m)men gedue(m)pt/
worde aen henr(icke) va(n) stakenborch dat jan va(n) wittham janne/
ghijsen oplegge(n) sal de so(m)me dair inne hij geduempt wort/
metten wettige(n) costen inden sake(n) gelope(n) It(em) aengaende/
den vier mudden rogge(n) en(de) v r(ynsch) gul(den) va(n) costen d(air)af ja(n) ghijs(en)/
bartel(en) zijne(n) zone transport gedaen heeft welke so(m)me/
zone inder submissien niet begrepe(n) en is en(de) janne va(n) wittha(m)/
dair voe(r) betogen heeft voe(r) den cons(er)vateur Es duytsp(ra)ke/
vanden segg(er)s dat zij die sake en(de) des dair aen cleeft laten/
staen op hue(r) beloep It(em) aengaen(de) den injurien die jan va(n)/
wittham gedae(n) soude hebben janne ghijsen in dien dat/
hij hem met eene(n) zweerde heeft geslage(n) en(de) zijn clede(re)/
doerhouwe(n) Es duytsprake vande(n) segg(er)s dat jan va(n) wittha(m)/
janne ghijsen d(air)voe(r) t(er) bet(er)nissen doe(n) sal een bedev(ar)t te/
straesborch te porre(n) tussche(n) dit en(de) beloken(en) paesschen/
naestcomende en(de) goede waerh(eyt) d(air)af te bringe(n) oft zijne(n) moet/
dairaf te hebbe(n) It(em) dat jan va(n) wittham soe vele doe(n) sal
//
aen zijn brueders ende zwag(er)s hue(r) weerdynne(n) en(de) derfgename(n)/
henr(ix) wilen van wittham huers vaders dat zij janne ghijse(n)/
ende zijn goeden quijtscelden sulle(n) en(de) onghemoeyt laten va(n)/
alle(n) so(m)men va(n) pe(n)ni(n)gen erfrinte(n) erfgoeden oft actien d(air)inne/
de voirscr(even) jan ghijsen ten voirscr(even) wilen henr(icke) hue(re)n vader/
weert gehouden was oft dat deselve van wittham den/
selve(n) janne ghijsen ov(er)leve(re)n sal alsulke(n) bescheyt den rechte/
genoech zijnde d(air)mede jan ghijsen en(de) zijn nacomelinghe(n)/
hem teghe(n) de selve bruedere(n) en(de) suste(re)n hue(r) mo(m)bore(n) ende/
derfgename(n) voirscr(even) met rechte verwe(re)n moeghe(n) Opt/
point vanden costen bij janne ghijs(en) gheeyscht Es duytsp(ra)ke/
dat jan van wittham den voirscr(even) ghijsen betale(n) sal bynne(n)/
twee maenden naestcomen(de) x pet(er)s te xviii st(uvers) tstuck voir/
alle coste(n) vand(en) pointe(n) d(air)af hij(em) uuyt(er)lijck beslicht gedae(n)/
wordt It(em) aengaen(de) den br(ieve) vand(en) l pet(er)s oft vand(er) ov(er)leve(re)n/
vand(en) br(ieve) van xl pet(er)s d(air)af hebbe(n) de segg(er)s die sake gestelt/
ter uuytsprake(n) va(n) rechte va(n) m(eester) jor(ijse) burgen(en) en(de) meest(er)/
ja(n)ne va(n) turnhout alse ov(er)ma(n)nen om die uuytsp(ra)ke te/
geschien bynne(n) den tijde inder voirs(creven) submissien begrepe(n)/
cor(am) tybe willem(aer) januar(ii) xxi
ContributorsGreet Stevens , Mi-Je Van Gils , Jos Jonckheer , Mi-Je Van Gils
Moderated byGreet Stevens
Last update: 2016-09-20 by Xavier Delacourt