Vanden gedinge dat geweest heeft inde banck voir/ meye(r) ende scepen(en) van loeven(e) tusschen jannese vander/ hofstad als man ende momboir jouffr(ouwen) m(ar)griete(n) van/ wynghe als aenlegge(r) ter eend(er) zijden en(de) janne de/ greve als man en(de) mo(m)boir jouffr(ouwen) heylwige(n) van halle/ zijns wijfs weduwe florijs wilen van goethuysen verweerde(r)/ ter ande(re) Dair de voirs(creven) jan vand(er) hofstad inde(n) yerste(n) dede/ lesen eene(n) scepen(en) brief van loeven(e) van hondert scilde(n) te/ xiiii stuv(er)s tstuc die de voirs(creven) flor(ijs) a(nn)[o] xiiii[c] xlvii julii xix/ gelooft hadde te betalen lambrechte van wynghe tot/ kersmisse [doen] naestcomen(de) ende den welcke(n) den selve(n) ja(n)nese bij/ henr(icke) van redingen als man en(de) momboir jouffr(ouwen) aliten van/ wynghe sijns wijfs dochter des voirs(creven) wilen lambrechts en(de) / naeste oir en(de) erfgename desselfs wile(n) lambrechts voir scep(enen) / van loeven(e) a(nn)[o] lxxvi ten selve(n) rechte overgegeve(n) wart en(de) / dien gelesen zijnde sprac hij ane den voirs(creven) janne de greve/ inden name als vo(r)e seggen(de) dat de voirs(creven) wilen florijs/ nae staet der heyliger kercken getrouwt hadde de voirs(creven)/ jouffr(ouwe) heylwich die nu wijf is des voirs(creven) jans de greve/ Dat voirt de selve jouffr(ouwe) heylwijch naede doot des voirs(creven)/ florijs huers mans bleef sittende inde have achter/ gebleve(n) naede doot desselfs florijs huers mans ende/ die alsoe ae(n)veerde Dat voirt de voirs(creven) jan de greve de/ voirs(creven) jouffr(ouwe) heylwijch getrouwt hadde nae staet der heylig(er)/ kercke(n) dat oic de selve florijs ter tijt dat hij sijne huysvr(ouwe)/ getrouwt hadde ende sijne(n) duerdach woende ende sijn/ woenstat hielt binnen der stad en(de) vrijheyt van leeuwe/ dat de selve florijs te voren getrout hadde een/ vrouwe p(er)soen geheete(n) jouffr(ouwe) katlijne van wynghe die/ wettige suster was der voirs(creven) jouffr(ouwen) m(ar)grieten van wynghe/ des aenleggers huysvrouwe ende dat die twee te/ weten(e) jouffr(ouwe) magriete ende katlijne van wynghe wae(re)n/ twee gesuste(re)n van wettige(n) bedde It(em) dat henric van/ redingen die hem den voirs(creven) brief getransporteert heeft/ ende anthonijs sijn sone die naeste oir en(de) erfg(enamen) wae(re)n/ des voirs(creven) wilen lambrechts van wynghe te weten(e)/ henr(ic) als tochte(r) ende anth(onijs) als erfman It(em) dat/ de voirs(creven) wilen lambr(echt) corts voe(r) zijn doot gekint/ en(de) geclaert hadde dat hem de voirs(creven) gelofte was
//
was gedaen in orbe(re) inden name ende tot behoef van des/ voirs(creven) jannes wive ende dat hij dair anders gheen recht aen/ en hadde ende dat de selve scult alnoch onbetaelt uutstont/ Dese ende meer ande(re) pointe(n) bij he(m) gealligeert zoe verre/ zij in feyte wae(re)n gelegen ende bijder wederp(ar)tie(n) ontkint/ p(rese)nteerde de selve aenlegger te thoene(n) ende mette(n) minste(n)/ te gestane hopen(de) wair hij die gethoene(n) conste dat de voirs(creven)/ jan de greve sculdich soude zijn hem den voirs(creven) scepen(en) brief/ te voldoen(e) hem des getroesten(de) totten rechte Dair tegen/ de voirs(creven) jan de greve luttel oft met vele antwerden(de) op de/ bijgeleeghde pointe(n) des voirs(creven) aenleggers oft die ontkinnen(de) [mair] dede segge(n)/ dat hem zee(re) verwonderde vander voirs(creven) ae(n)spraken Te/ voirde(r) want lambrecht van wynghe sulcken man niet en/ was dat hij soe lange als die gelofte geschiet hadde geweest/ tot noch toe gebeyt soude hebben sijn recht te versueken/ Oick en soude billicx sulcken gelofte mits verstrike ende/ ov(er)gange vand(en) tide lange(n) tide in rechte niet ontfangbaer/ sijn de voirs(creven) wilen florijs oft hij die sculdich wa(r)e geweest/ des hij hoopt niet [neen] soude die qualijc dus lange hebben/ voirgegaen sonder betalen Oec waest wair dat de voirs(creven) / sijn wijf noch nae den voirs(creven) flor(ijs) eene(n) ande(re)n man hadde/ gehadt geheete(n) meest(er) reyne(r) van ertrike den welcken/ men oic hadde moege(n) doen betalen oft onbetaelt hadde/ geweest Desen en(de) meer ande(re)n reden(en) bij he(m) geallig(eer)t/ ae(n)gemerct sustineerde hij der aensprake(n) ongehouden te/ sijne Dair tege(n) de voirs(creven) ja(n)nes replice(re)nde dede/ segge(n) dat de voirs(creven) flor(ijs) hem meeste deel inder stad van/ leeuwe in gevrijdde plaetse hadde onthouden gelijc vo(r)e/ de voirs(creven) tweeste man meest(er) reyne(r) was supposit geweest/ vander univ(er)siteyt ende alsoe den weerliken gerichte/ niet bedwanckelic ende al mocht dan de voirs(creven) lambrecht/ dien de sake selve in p(er)sone niet aen en ghinc mair die/ geschiet wesen in name svoirs(creven) aenleggers als vo(r)e Dair/ inne ende om die scult te vervolge(n) cleyne diligen(cien)/ ende er(n)stich(eit) hebben gedaen dat en soude hem die dair/ af voir onlancx nae de doot van lambr(echte) gheene wete/ oft kennisse gehadt en hadde in sijne(n) rechte billicx gheen/ hind(er) noch acht(er)deel drage(n) te voirder want hij voir den t(er)mijn van dertich/ jae(re)n nae dat men? vander voirs(creven) geloften te weten(e) voir s(in)[t] jansmisse a(nn)[o]/ lxxvii sijn sake en(de) actie van des(en) innegesteken en(de) begonst hadde te vorde(re)n
//
hinder oft acht(er)deel dragen hem des gedragen(de) totten rechte/ Es gewijst bij scepen(en) van loeven(e) ter manissen smeyers/ nae den thoen hier inne bij den voirs(creven) jannes vand(er) hofstad/ bij voirg(eruert) vo(n)nisse geleyt op sijn bijgeleegde pointe(n) van sijnd(er)/ ae(n)spraken dier hij meestdeel volquam ende hem insdeels/ bijder wed(er)p(ar)tie(n) wae(re)n bekint dat jan de greve als mo(m)boir/ zijns wijfs gehouden sal zijn den voirs(creven) ja(n)nes vand(er) hofstad/ sijne(n) scepen(en) brief te voldoen(e) oft bewijssenisse van betalingen / dair af te doen(e) cor(am) om(n)ib(us) scabinis dempt(is) lyemi(n)ghen/ berg(en) febr(uarii) vi