SAL7372, Act: V°258.2 (551 of 839)
Search Act
previous | next
Act V°258.2  
Act
Date: 1479-02-25

Transcription

2019-08-02 by xavier delacourt
It(em) henr(ic) van roye zone henr(ix) wonen(de) te hoxhem in p(rese)ncia heeft/
genome(n) van pete(re)n van dormale als p(ro)cur(eur) tgodsh(uys) va(n) ts(er)toge(n)dale/
de goede lande en(de) bempde geleg(en) inde prochie(n) va(n) cu(m)ptich/
hakendevel en(de) breyeshem toebehoiren(de) de(n) voirs(creven) godsh(uys) gelijckerwijs/
de voirs(creven) henr(ic) de vader die ald(air) tot noch toe gehoude(n) heeft en(de)/
niet voirde(r) Te houden te hebbe(n) en(de) te wynne(n) va(n) half m(er)te/
dat was int jair lxx eene(n) t(er)mijn va(n) xii jae(re)n lanck v(er)volg(ende)/
Elx jaers d(air)enbynne(n) om en(de) voe(r) xix sacke rox tienscher mate(n)/
en(de) pacht va(n) cumptich pag(abilis) en(de) twee sacken t(er)wen d(er) selv(er)/
mate(n) alle jae(re) te betalen(e) tsinte andr(ies)misse en(de) te hoxhem/
te leve(re)n den p(ro)cur(eur) des voirs(creven) godsh(uys) quol(ibet) ass(ecutu)[m] It(em) es/
vorw(er)de dat de voirs(creven) wynne de voirs(creven) lande wynne(n) w(er)ven/
en(de) mesten sal wel en(de) loflijck op zijn vie(r) getidege vo(r)en/
gelijck regengenote(n) bove(n) en(de) beneden It(em) es vorweerde dat/
de voirscr(even) wy(n)ne de voirscr(even) lande tsijne(n) lesten jare sal/
laten besaeyt gelijck h(ier)nae volcht Te weten(e) zesse dach(mael)/
lants met rogghe en(de) vii(½) dach(mael) met zom(er)corne d(air)af mijn/
vrouwe hebben sal terdel bove(n) hue(re)n pacht It(em) es vorw(er)de/
dat de voirscr(even) henr(ic) de wynne tsijne(n) afscheyden den wint(er)/
aert late(n) sal besayt wel ende loflijck zonder d(air)aff yet te/
hebbe(n) Ende alle dese vorweerden Inde est fideiussor henr(ricus)/
de ophem filius quond(am) henr(ici) Et p(ri)m(us) tybe willem(air) fe(bruarii) xxv
ContributorsGreet Stevens
Moderated byGreet Stevens
Last update: 2016-09-20 by Xavier Delacourt