SAL7372, Act: V°327.2 (706 of 844)
Search Act
previous | next
Act V°327.2  
Act
Date: 1479-04-26

Transcription

2019-11-10 by xavier delacourt
It(em) jan vogel jan stamelart stroedecke(r) en(de) hubr(echt) van kelfs/
in p(rese)ncia hebben genome(n) ende bekint dat zij genome(n)/
hebben van willem(me) vand(er) borch als p(ro)cur(eur) en(de) rentmeest(er)/
des edelen hee(re)n hee(re)n henr(ix) van witham hee(re) va(n) bout(er)shem/
vijf boende(re)n lants gelege(n) te holsbeke mette(n) chijsen ende/
pachte(n) die deselve hee(re) te holsbeke en(de) dair omtrint heeft/
Te houden te hebben te wynne(n) ende te ontfange(n) van/
s(in)[t] andr(iesmiss)[e] lestleden een t(er)mijn van tweelf jae(re)n lang/
deen nae dand(er) sonder middel vervolgen(de) Elcx jaers/
dae(re)nbinne(n) om en(de) voe(r) eenentwintich mudd(en) rocx een/
sister min der mate(n) van loeven(e) cu(m) va(nn)[o] alle jae(re) s(in)[t] andr(iesmiss)[e]/
ap(ostel)s te betale(n) ende te loeven(e) te leve(re)n q(uo)l(ibet) ass(ecutu)[m] It(em) is/
vorweerde dat de voirs(creven) wynne(n) de voirs(creven) goede den voirs(creven)/
t(er)mijn dueren(de) houden wynne(n) werve(n) ende mesten sullen/
wel en(de) loflijc gelijc reeng(enoten) bove(n) ende beneden ende/
en sullen die binne(n) den lesten drie jae(re)n niet moege(n) hoervruchte(n)/
It(em) is vorweerde dat de voirs(creven) wynne(n) alle den chijs ende/
co(m)mer uuten voirs(creven) goeden gaen(de) jaerlijcx sonder afslach/
van des voirs(creven) is betalen sullen alsoe in tijts dat m(ijn) hee(re)/
noch den goeden d(air)af gheene schade en come It(em) is/
noch vorweerde dat de voirs(creven) wynne(n) tot hue(re)n proffite/
sullen hebben alle strunchout opde voirs(creven) goede staende/
des sullen zij tot hue(re)n laste moeten houden en(de) maken/
alle strate(n) en(de) wege(n) in en(de) aen de voirs(creven) goeden liggende/
alsoe in tijts dat dair af gheene schade en come/
Ende alle dese vorweerden cor(am) roelants willem(air)/
ap(ri)lis xxvi
ContributorsGreet Stevens
Moderated byGreet Stevens
Last update: 2016-09-21 by Xavier Delacourt