It(em) al eest dat inden voirs(creven) p(ri)ncipalen brieve de rinte(n) mede bekint/ sijn den twee gesuste(re)n en(de) van hen versterven(de) opde ande(re) soe den/ selve(n) brief dat naerde(r) uutwijst Soe is dat nochtan geschiet/ met condicie(n) en(de) vorweerden dair inne bijden voirs(creven) henr(icke) oic/ besproken dat dat is zij en(de) blive sonder p(re)judijs van hem ende/ jouffr(ouwe) magriete(n) sijnder suster en(de) van ande(re)n dair toe geint(er)esseert/ en(de) van seke(re)n brieve(n) en(de) transporte(n) van des(en) voirs(creven) rinte(n) octobr(is)/ xxv a(nn)[o] lxxvii voir scepen(en) van loeven(en) geschiet bij vrou lijsbette(n)/ pynnocx absisse van sint salvatoirs int cloest(er) ten sustere(n)/ gelege(n) over mase ten proffijte der selver jouffr(ouwe) m(ar)griete(n) huer(en)/ suster met consente jouffr(ouwe) lowijsen huer(en) suster en(de) oic met/ consente henr(ix) amelrijcx en(de) emonts pynnoc En(de) op die/ vueghe dat dat transport desen voirs(creven) bekinne en(de) contrarie/ condicie(n) niet tegenstaen(de) stat en(de) macht gripe en(de) van weerde(n)/ wordde gehouden want dat alleene aengaet den kinde(re)n wile(n)/ amelr(ijcx) en(de) den vorweerden en(de) condicie(n) aengaen(de) m(ijn) hee(re) vand(er)/ horst niet en p(re)judicieert eisd(em)