It(em) gielijs van nederhem sone wile(n) lonijs in p(rese)ncia heeft/ genome(n) ende bekint dat hij genome(n) heeft va(n) janne/ cleynvranx zijn hof gelege(n) te wynge t(er) plaetse(n) geheete(n)/ ter beke mette(n) wynnen(de) landen den selve(n) hovde toebehoiren(de)/ en(de) noch de bempde h(ier)nae bescr(even) te weten(e) de weyde ae(n)d(en)/ berch dwouwer eeussel te meenssel It(em) den bempt inde/ vallestrate te bynckem Te houden te hebbe(n) en(de) te/ wynne(n) van sinte g(er)truyde(n) dage(n) naestcomen(de) eene(n) termijn/ van zesse(n) jae(re)n lanck deen nae dand(er) zonder middel v(er)volg(ende)/ Elx jairs d(aer)enbynne(n) te weten(e) de voirs(creven) wynnen(de) lande/ om de helcht vand(en) vruchte(n) opde selve jairlijx wassende/ Ende de voirscr(even) bempde mette(n) bog(ar)de vand(en) hove jairlijx/ om en(de) voe(r) xviii lichte guld(en) te x st(uvers) tstuck drie pl(a)c(ken)/ voe(r) den st(uver) alle jae(re) tsinte m(er)tensmisse te betale(n) quol(ibet)/ ass(ecutu)[m] It(em) sal de voirscr(even) wynne de voirscr(even) lande te weten(e)
//
de wint(er)lande wynne(n) ende w(er)ve(n) half te vier vo(r)en en(de)/ half te drie vo(r)en zonder den zaetvo(r)e te wete(n) rue(re)n oft/ strijcken Ende de zomerlande sal de wynne wi(n)nen en(de) w(er)ve(n)/ te drie vo(r)en wel en(de) getidelijck It(em) sal de wy(n)ne sculdich/ zijn jairlijx te m(er)gelen een boender lants en(de) des sal jan den/ m(er)gel opde cuyle betale(n) en(de) den wy(n)ne salle(m) hale(n) It(em) selen/ de voirscr(even) jan en(de) gielijs gesamender hant jairlijx coopen i(½)[c]/ hope(n) stroos ov(er) de velpe en(de) te gelijke betale(n) en(de) die te meste/ beke(re)n oft in faulte(n) va(n) dien salme(n) mest coopen om vi r(insch) g(ulden)/ tslants prouffijte en(de) dat stroo oft mest sal de wy(n)ne mote(n)/ hale(n) It(em) es vorw(er)de soe wa(n)neer de voirs(creven) jan zijn helcht sal/ doe(n) dorsschen dat alsdan de wy(n)ne den afval hebbe(n) sal te wete(n)/ tstroo caf en(de) overkaer It(em) de voirs(creven) wynne sal jairlijx hebbe(n)/ de helcht vande(n) oofte inden bog(ar)t en(de) tege(n) de strate en(de) tege(n)/ dbekervelt ende desgelijx ind(en) bempt onder den berch en(de) int/ block aend(en) selv(en) berch en(de) niet voirde(r) It(em) es vorw(er)de dat/ de vors(creven) wy(n)ne jairlix des vors(creven) jans deel vand(en) vruchte(n) en(de)/ oofte sculdich sal zij(n) te leve(re)n zoe wa(n)neer dat gereet sal zij(n)/ te loven(e) te thiene(n) te diest oft tarschot dart ja(n)ne best sal/ gelieve(n) en(de) alsdan sal jan den selve(n) wy(n)ne den montcost geve(n)/en(de) den p(er)den hoy It(em) de voirscr(even) wy(n)ne sal sculd(ich) sijn te doen/ mayen jairlijx zesse vi dage struysel en(de) des sal jan de/ dachue(re)n betale(n) en(de) de wy(n)ne sal den montcost geve(n) It(em) de selve/ wy(n)ne sal sculd(ich) zijn jairlijx te leve(re)n int voirs(creven) hof ii[c] walme(re)n/ om die te v(er)decke(n) int selve hof Ende alsmen die v(er)dect sal/ de wy(n)ne den werclieden den montcost geve(n) en(de) jan sal de dachue(re)n/ betale(n) en(de) desgelijx vand(en) ouden wercke It(em) sal de wy(n)ne jairlijx/ leve(re)n te thiene(n) ten huyse des voirs(creven) jans v een half duysent/ mutsarts It(em) de wy(n)ne sal hebbe(n) ii[c] mutsarts en(de) des sal hij dmaecgelt/ betale(n) It(em) de wy(n)ne sal roden de bempde voirscr(even) uuytgenome(n)/ eene pl(e)c(ke) bosch It(em) sal [de] wy(n)ne den voirs(creven) ja(n)ne some(re)n winte(re)n jairlix/ eene koe en(de) twee v(er)ken(en) zome(re)n gelijck den zijne(n) It(em) es vor/ werde dat de vors(creven) wy(n)ne de voirscr(even) lande sal besayt laten/ tsijne(n) afscheyden gelijck hij die aenveerde(n) sal en(de) alsoe goet en(de)/ altijt tot goeden mans p(ri)se It(em) is vorw(er)de dat de voirscr(even)/ jan en(de) de wynne sele(n) moege(n) sceyden ten halve(n) tijde oft hen
//
gelieft Behalve(n) dat de ghene die alsoe sceyde(n) wilt/ dat den ande(re)n een half jair te vo(r)en segge(n) sal moeten/ It(em) es vorw(er)de dat de wy(n)ne de hoende(r) houde(n) sal ende/ vuede(n) t(er) helcht behalve(n) dat de kieken(e) den wy(n)ne volgen/ sele(n) alleene It(em) de wy(n)ne sal de stortte en(de) brake laten/ ten leste jae(re) omgedaen It(em) sal de wy(n)ne ten leste(n) jae(re)/ late(n) int voirs(creven) hof alsoe vele stroos en(de) caefs als/ hij d(air)inne tsijne(n) incomen(e) vinden sal It(em) sele(n) de voirs(creven)/ jan en(de) zijn wy(n)ne dblock voir tonnekens te gelijke(n) cost/ grichte(n) It(em) es vorweerde soe v(er)re e(n)nich lant gegrave(n) w(er)t/ by(n)nen den voirs(creven) t(er)mijne oft gegrave(n) es dat sulle(n) jan/ en(de) zijn wyn te gelijcke betalen It(em) de voirscr(even) wy(n)ne/ sal sculdich zij(n) jairlijx de(n) t(er)mijn due(re)nde de vors(creven) goede/ te bevred(en) alsoe dat jan d(air)bij ghee(n) schade en lijde en(de)/ soe v(er)re e(n)nige schade hij d(air)bij lede die sal de wy(n)ne/ oprichte(n) tot goede(n) ma(n)s prise It(em) sele(n) de voirs(creven) jan/ en(de) de wy(n)ne jairlijx sayen elck va(n) hen een halst(er) lijsaets/ en(de) des sal de wy(n)ne de lande d(air)toe bereyen en(de) elc sal/ zijne(n) saet betalen Ende alle dese vorweerd(en) (et)c(etera) Inde/ sunt fideiusso(r)es ind(ivisim) walt(erus) van ned(er)hem f(ilius) quond(am) walt(eri)/ et mauricius e(ius) fi(lius) Et p(ri)m(us) cor(am) tybe willem(air) m(ar)cii xi