It(em) weyn van ophem in p(rese)ncia heeft genome(n) en(de) bekint/ genomen te hebben teghe(n) joh(ann)ese vander eycken procur(eur) tgodsh(uys)/ van corby de groote thiende d(er) selver he(re)n gelegen inde prochie/ van ned(er)ijssche metter thiensschue(re)n ald(air) gelijck en(de) alsoe v(er)re de/ voirs(creven) weyn die vande(n) selve(n) he(re)n met scepen(en) brieve(n) van loven(en)/ gehouden heeft Te houden en(de) te hebbe(n) van sint jansmesse lxxvii/ eene(n) termijn va(n) twelf jae(re)n lanck due(re)nde deen nae dander/ staphans zonder middel volgen(de) Elx jaers d(air)enbynne(n) o(m)me/ ende voe(r) vijftich mudden rox vijftich mudden even(en) en(de) (½) mudde/ tarwe(n) elx grains goet en(de) payabel mate va(n) loven(en) wel/ bereyt met wa(n)ne en(de) vede(re)n alsulx als vander selv(er) thiend(en)/ jairlijx come(n) sal alle jae(re) te kersmesse te betale(n) en(de) te loven(en) den/ he(re)n van corby hue(re)n procur(eur) ja(n)ne vander eycken oft ande(re)n/ des gemechticht zijnde inde h(er)berge va(n) corby oft elde(r) bynne(n)/ d(er) selv(er) stat eene(n) solde(r) hoge leve(re)n den voirs(creven) t(er)mij(n) due(re)nde/ quol(ibet) ass(ecutu)[m] It(em) es vorweerde dat de voirs(creven) wy(n)ne jairlix leve(re)n/ sal xl mandelen walms bynne(n) der voirs(creven) schue(re)n en(de) noch/ zesse hope(n) stroes bolsters jairlijx te loven(en) te leve(re)n eisdem