Allen den ghenen (et)c(etera) doen cond dat pet(er) de riemslege(re) sone/ wilen wouters de riemslege(re) van bruessele heeft geconst(itueert)/ gesedt volcome(n) macht p(ro)cu(ra)cie en(de) auct(oriteit) gegeve(n) pete(re)n van/ coni(n)cxloe gielijse den bloeyere en(de) matheeuse colcx aut/ Aen te neme(n) te kiesen oft taenveerde(n) die veede van/ alsulcke(n) meshandelinge(n) als voirmaels geschiet zijn inder/ stad van bruessel bij willem(me) wijlen van evergheem al(ia)s/ van cockelberghe aen den p(er)soen katlijne(n) wile(n) vand(er)/ strate(n) dochter gielijs vand(er) strate(n) zoe verre dat zij dair/ bij van live ter doot comen is en(de) voort dexecucie ende/ al tgene dat der veeden aengaen mach d(aer) op te vervolge(n)/ te doene ende te vorde(re)n Oft alsulcken zoene als d(aer)af/ tande(re)n tiden gedaen mach zijn oft laten geschien aen den/ voirs(creven) pete(re)n en(de) de pe(n)ning(en) en(de) p(ro)ffite(n) d(aer)af toegeseecht en(de)/ gecome(n) en(de) al des d(aer) uut spruyte(n) sal moege(n) met rechte/ te vervolge(n) inne te doen comen te bedinghen te wynnen/ te verliesen q(ui)tan(ciam) dan(di) P(ro)mitt(ens) rat(um) salvo iusto calculo cor(am)/ berct burg(imagistro) berghen tybe julii xxvii