Met sulker condicien dat hem de voirs(creven) jan oft yweyn ter/ stont mett(er) voirscr(even) br(ieven) sulle(n) doen leyden tot alle(n) den goede(n)/ have en(de) erve svoirs(creven) jans van braemt en(de) d(air)mede v(er)hale(n)/ alle coste(n) lasten schaden en(de) v(er)legge(n) het ware(n) costen van/ rechte oft ande(re) die de voirs(creven) jan cleynvranck als borghe/ svoirscr(even) jans van braemt voe(r) de pechtinge d(er) goeden/ jans van berthem en(de) zijns wijfs weduwe weyns wile(n)/ ramp(ar)t oft ande(re) borgen desselfs jans van braemt in dien/ gehadt en(de) geleden moegen hebbe(n) oft noch hebbe(n) ende/ lijden sulle(n) moege(n) uuyt saken vander selv(er) pechtinge(n) ende/ al des dien aencleeft in e(n)niger manie(re)n en(de) voirt d(air)mede/ te v(er)hale(n) tgene des de selve van braemt and(er)ssins ten voirs(creven)/ janne cleynvrancke weert gehoude(n) es in e(n)niger manie(re)n eisd(em)