Item heeft gelooft de voirs(creven) willem den voirs(creven) clase en(de) sijne(n) wive/ dat hij hen tusschen dit en(de) kersmisse naestcomen(de) opde goede nae/ bescr(even) behoirlick voir hoff en(de) hee(r)e dair men de selve goede af/ houden(de) is besetten ende bewijsen sal vijfthien ryns guld(en) te/ twintich stuv(er)s tstuck erflik(er) renten die dwelke yerst nae de/ doot vanden lestleven(de) van willem(me) ende zijnder werdinne(n) den/ voirs(creven) clase en(de) zijne(n) wive willems dochter volgen sullen Ierst/ opde stede met huysen hove(n) stallingen driessche ende allen ande(re)n/ toebehoirten geheet(en) willem maes stede geleg(en) inde p(ro)chie/ van welde bijde cappelle tusschen de goede jans maes en(de) der/ kinde(re)n henr(ix) maes ter eender zijde(n) en(de) der selv(er) kynderen goede/ op dande(re) tshee(re)n strate opde derde en(de) de gemeyn heyde ald(air) opde/ vierde zijden It(em) op tvi[te] gedeelte va(n) eene(n) stuck lants geheet(en)/ den grooten bocht gelege(n) inde selve prochie aen decke(re)n van welde/ It(em) op eene(n) driesch geheeten den grooten linkenbosch gelegen inde/ selve p(ro)ch(ie) op deckerstrate dair men ter kercken wert vaert/ En(de) noch opden nuwenbocht ald(air) gelegen die henne(n) thijs plach/ toe te behoiren(e) Et sat(isfacere) de dict(is) bonis En(de) dair voir inne te staen/ dat hem die voirs(creven) goede toebehoe(re)n in sijnder deylinge(n) sijn gevalle(n)/ en(de) dat die bove(n) alle(n) co(m)mer dair uutgaende inder selver/ sijnder deylinge(n) staen op negen mudden en(de) vie(r) loopen rocx/ turnoutsch(en) mate(n) xvi loopen voir elck mudde gerekent En(de) dat sij/ bove(n) co(m)mer wel weert sijn jairlijcx de voirs(creven) xv ryns gul(den) en(de)/ meer En(de) dese vestich(eyt) en(de) veronderpandinge sal geschien op vuege/ en(de) (con)dicie wairt tsake dat claes werdynne voir den selve(n) claese/ storve sonder wettige gebuerte dat dan die xv rinsch guld(en) ter/ stont nae huer doot sond(er) clase d(air)inne e(n)nige tocht te behouden(e)/ keere(n) souden op willem(me) oft dair hij die gedisponeert hadde te/ blive(n) oft op sijn naeste erfg(enamen) Oick en souden claes noch zijn wijf/ dese xv r(yns)gul(den) erflick moege(n) versetten verthie(re)n belasten noch vercoope(n)/ in gheender wijs het wa(r)e dat zij kinde(re)n hadden oft gheene/ Mair souden die rinte(n) nae hen moeten bliven heu(re)r beyder
//
wettiger kinde(re)n oft hue(re)n wettigen oire(n) van hen gecomen/ op dat zij e(n)nige acht(er)gelate(n) hadden oft anders des voirs(creven)/ willems naesten erfgename(n) gelijc voirscr(even) steet sonder/ fraude oft argelist cor(am) eisd(em)