Nae dien dat her gord van adelberghe prieste(r) bartelmeeus/ de vos en(de) henr(ic) vander heyden beyde als executeurs vand(en)/ testame(n)te gorts wilen van adelberghe vaders des voirs(creven)/ hee(re)n gorts bijder stad hadden doen ontbieden marien van/ adelberghe dochter mertens wilen van adelberghe die/ brueder was svoirs(creven) hee(re)n gorts Opdoen(de) hoe dat zij als execute(u)[rs]/ voirs(creven) bijder voirs(creven) marie(n) gedaecht wae(re)n te luydick te come(n)/ om betalinge te hebben van tgene des vand(en) goeden ende/ rinte(n) hue(r) bij den voirs(creven) hue(re)n oudevader in testame(n)te gelate(n) gevalle(n)/ en(de) verschene(n) mocht zijn tot desen dage toe Boven dien/ dat zij te meer stonden bereet hadden geweest en(de) alnoch/ wae(re)n dat op te legge(n) en(de) te betalen Bij alsoe dat hen/ caucie worde gestelt dat zij met eender betalinge(n) mochten/ gestaen oft dat de selve hue(re)n man oft hij noch leefde bijder/ hant brachte wordde oft anders certificacie van dat hij aflivich/ wae(re) wordde(n) zoe zij dat tande(re)n tiden geoffert hadde te doen(e)/ Ende alsoe versuek(en) de selve executeurs dat zij hier mede
//
ende met wael te voldoen(e) mochten gestaen en(de) dat de selve marie/ bedwonge(n) wordde de voirs(creven) monicie oft citacie af en(de) te nyeute te doen(e)/ alsoe dat zij der voirs(creven) moytenissen en(de) vervolchs vand(en) voirs(creven)/ dageme(n)te mochte(n) zijn verdrage(n) D(air) tege(n) de voirs(creven) marie met/ hue(re)n adhe(re)nten dede seggen dat zij tande(re)n tiden gep(rese)nteert/ hadde dair voe(r) hue(re)n stiefvad(er) te borge te stellen dien sij alnoch/ p(rese)nteerde en(de) die tacht(er)heyt die mair en gedroech ten hoochste(n)/ bove(n) thien peters oft r(ijns) gul(den) van vijf oft sesse jae(re)n alsoe dat/ bijder rekeni(n)gen die hue(r) ende den ghene(n) die sij d(air) mede/ bijbracht hadde d(air) af was geschiet en wa(r)e soe groot niet/ de voirs(creven) borchtocht vand(en) stiefvader en mocht dair voe(r) lichtelijc/ genoech sijn en(de) al en ware die niet genoech soe en wa(r)e zij/ niet sculdich nae gemeyn recht noch oic nae gescr(even) recht noch/ oic en wa(r)e hue(r) niet moegelijc dair voe(r) beter borchtocht te/ stelle(n) ende alsoe sustineerde zij want dese goede van huer(en)/ zijde(n) come(n) wa(r)en ende niet van huers mans dat hue(r) die/ rinte(n) en(de) p(ro)fite(n) tot huer(er) bijleni(n)gen en(de) nootdorfte(n) behoef volge(n)/ souden en(de) sculdich wa(r)en te volge(n) Ende nae dien dat p(ar)tie(n)/ hier af in allen zijden gealt(ri)ceert hebben en(de) op dese materie/ advis van meesters van rechte is genome(n) geweest Soe/ is get(er)mineert en(de) uutgesproken Even verre de voirs(creven) marie/ hult bij hue(re)n eede dat zij gheene ande(re) caucie noch/ borchtocht en weet te gecrige(n) dan hue(re)n voirs(creven) stiefvader/ ende zij dan mette(n) selven d(air) voe(r) gelooft en(de) inne staet/ dat de voirs(creven) executeurs met eend(er) betalinge(n) die zij aen/ hue(r) doen sullen sulle(n) gestaen dat huer dan de gevalle(n)/ rinte(n) en(de) p(ro)fite(n) van hue(re)n kintsgedeelte volgen selen en(de) dat/ d(air)op de selve marie af ende te nyeute doen sal en(de) laten/ versmelten tvervolch vand(en) citacie(n) voirs(creven) Act(um) in (con)s(ili)[o] op(idi)/ julii p(rim)[a]