It(em) m(ijn) vrouwe vand(er) banck metten co(n)vente en(de) mette(n) mo(m)bo(r)en/ desselfs godshuys in p(rese)ncia hebben gegeve(n) en(de) bekent gegeven/ te hebben henricke de rijcke en(de) de selve henric heeft bekint/ genome(n) te hebben de goede hier nae bescreve(n) Te weten(e)/ een half boend(er) lants gelege(n) opt loeve(n)velt bove(n) de loeve(n)sstrate/ tussche(n) de goede peter vrancx in deen zijde en(de) de goede/ lodewijcx roelofs in dande(re) en(de) de goede henr(ix) vand(en) dale/ It(em) drie vierdel lants gelege(n) bijden keyserberch tusschen/ de goede des heylig(en) gheests van herent op deene ende/ den moelenwech op dande(re) It(em) een dach(mael) lants gelege(n) bijde/ poetken(en) tussche(n) de goede der jouffr(ouwe) blanckaerts in beyde(n) zijde(n)/ It(em) een boender lants gelege(n) opt moele(n)velt gel tusschen de/ goede lodewijcx roelofs op deene en(de) den moele(n)wech op dande(re)/ It(em) een half dach(mael) lants gelege(n) d(air) bij tussche(n) den voirs(creven)/ moele(n)wech op deene en(de) de goede der voirs(creven) jouffr(ouwe) blanckaerts/ op dande(re) It(em) een dach(mael) lants gelege(n) opt selve velt tusschen/ de goede henr(ix) de witte op deene en(de) de goede jans va(n) doerne/ op dande(re) It(em) een half boend(er) lants gelege(n) bijde tomstrate/ tussche(n) de goede roelof roelofs in deen zijde en(de) de goede gielijs/ van duffle in dande(re) It(em) noch een half boend(er) lants gelege(n)/ bove(n) den reywech opt selve velt tussche(n) de goede loddewijcx/ roelofs op deene en(de) de goede der kercken van herent op dande(re)/ Te houden te hebben ende te wynnen van halfmerte a(nn)[o]/ lxxvii eene(n) t(er)mijn van tweelf jae(re)n lang deen nae dande(r)/ sond(er) middel vervolgen(de) Elcx jaers dae(re)nbinne(n) om ende voe(r)/ sesse mudd(en) ende thien molevate(n) rocx loeven(en) pacht goet en(de)/ payabel met wanne en(de) met vede(re)n wel bereyt alle jae(re)/ sint andriesmisse ap(oste)ls te betalen en(de) te loeven(en) oft ter banc d(air)/ dat m(ijn) vrouwen best gelieve(n) sal te leve(re)n quol(ibet) ass(ecutu)[m] It(em)/ is vorweerde dat de voirs(creven) wynne de voirs(creven) lande houden/ wynne(n) en(de) werve(n) sal wel en(de) loflijc gelijc reengenote(n) boven/ en(de) beneden Ende die laten te sijnen afsceyden gelijc hij/ die ae(n)veerde Te weten(e) de twee yerste stucken/ lants bezaeyt met rogghe de leste twee stucken/ lants brake en(de) tsurplus vand(en) voirs(creven) landen stortte/ Ende alle dese voirs(creven) vorweerden condicien en(de)/ geloften heeft gelooft de voirs(creven) wynne cor(am) roelants/ tybe aug(usti) xxviii