Inder saken geport voir wet te werchte(r) en(de) ingeset bij h(er) mych(iel)/ absoloens ridde(r) oft zijne(n) procur(ator) om de betalinge van vier holl(ansche)/ gulden(en) erfchijs op zeke(re) goede aldair geleg(en) voe(r) de welke/ gevolcht is dyerste dande(re) tderde en(de) tvierde genechte van/ gratie(n) en(de) alsoe de voirs(creven) h(er) mych(iel) der stat te kynne(n) gaff/ de voirs(creven) wethouders va(n) werchte(r) he(n) v(er)treck maecte(n) va(n) uuytwise(n)/ van hue(re)n vo(n)nisse om inde goede gestelt te worde(n) ov(er)mits/ alsoe de voirs(creven) wethoude(re)n seyden dat de voirs(creven) h(er) mych(iel) niet/ meer bescheyts voir hen bracht en hadde nae hue(re)r ordinan(cien)/ dan e(n)nige scepen(en) br(ieve) van loven(en) spreken(de) van twee holl(ansche) g(ulden)/ Es get(er)mineert gem(er)ct dat de voirscr(even) h(er) mych(iel) oft zijn/ procur(ator) egheene wed(er)p(ar)tie en hebbe(n) dat de voirscr(even) scepen(en) va(n)/ werchte(r) met hue(re)n vo(n)nisse sele(n) procede(re)n opt v(er)sueck en(de)/ insetten vand(en) voirs(creven) h(er) mych(iel) nae dats voir hen come(n)/ es zonder te letten(e) op e(n)nige br(ieve) die de selve her/ mychiel zonder p(ar)tie te hebben(e) niet sculdich en was/ te exhibe(re)n In consilio oct(obris) qui(n)ta