Want ghijsbrecht van holsbeke als geleyt nae des(er) stat/ recht voir zijn wettich gebreck van xx rijders uuyt crachte/ van scepen(en) br(ieve) van loven(en) tot alle(n) den goeden beyde have/ en(de) erve jacops maes hem bij marcke(n) crauwels vorste(r)/ alle de goede zijn geleidt bezundert van eene(n) mudde/ corens erfpachts dwelck de voirs(creven) jacop heeft op seke(re)/ goede willems vand(er) vare(n)t en(de) willems de coni(n)ck opde/ loo gelege(n) en den voirs(creven) willem(me) vander vare(n)t bij m(ar)ke(n)/ crauwels en(de) den voirg(enoemde) willem(me) de coninck bij jasp(er)en/ claus vorst(er)s dach van rechte bescheyde(n) tot eene(n) zeke(re)n/ dage alh(ier) inde banck voir meye(r) en(de) scepen(en) va(n) loven(en)/ Tot welke(n) dage van rechte de voirs(creven) p(er)sone(n) noch/ nyema(n)t van hue(re)n wege(n) come(n) en zijn den voirs(creven) geleyde(n)/ trecht voirt v(er)sueken(de) Soe hebben de he(re)n scepen(en) va(n)/ loven(en) ter manisse(n) smeyers gewese(n) voir een vo(n)nisse/ nae dat hen bij rappoirte d(er) voirs(creven) vorst(er)s dexecucie/ leveringe en(de) dachbesceydinge geschiet te zijne/ datme(n) den voirscr(even) geleydd(en) houden soude vand(en) voirs(creven)/ mudde cor(en) erfpacht inde macht va(n) zijne(n) beleyde/ en(de) scepen(en) br(ieve) soe v(er)re alst noch voir hen come(n) is/ in scampno cor(am) scab(inis) oct(obris) viii