Want willem vander voirt als geleyt nae des(er) stat recht voir zijn/ wettich gebreck tot alle(n) den goeden beyde have en(de) erve henrickx/ vijfeycke henr(ickx) va(n) daelhem en(de) arnts wile(n) roothoot wair die geleg(en)/ zijn hem oft willem(me) va(n) kerste zijne(n) p(ro)cur(eur) in zijne(n) name alle/ de selve goede heeft doe(n) leve(re)n met br(ieven) gescr(even) aende(n) meye(r)/ va(n) cumptich oft zijne(n) stedehoude(r) en(de) dach van rechte doe(n) bescheyde(n)/ den voirs(creven) p(er)sone(n) en(de) den wethoude(re)n oft kinde(re)n des vors(creven) wile(n)/ arnts roothoot tot welke(n) dage de vors(creven) p(er)sone noch nyema(n)t/ van hue(re)n dage wegen gecompareert en is den voirscr(even)/ geleydden trecht voirt v(er)sueken(de) soe v(er)re dat scepen(en) va(n)/ loven(e) t(er) manissen smeyers gewesen hebbe(n) voir een vo(n)nisse/ nae dat hen behoirlijck heeft gebleken bij r(e)sc(ri)pte des/ voirscr(even) meyers va(n) cumptich de voirscr(even) leveringhe en(de)/ dach bescheydinge geschiet te zijne datme(n) den voirscr(even)/ geleydden vand(en) voirs(creven) goede(n) houde(n) soude inde macht van/ zijne(n) beleyde en(de) scepen(en) brieve(n) alsoe v(er)re alst noch voir/ hen comen was in scampno cor(am) scab(inis) novembr(is) xiii