Vanden gedinge dat geweest heeft inde banc voir meye(r) en(de)/ scepen(en) van loeven(e) en(de) d(air) nae opte(n) gront hier nae bescr(even) tussche(n)/ m(ar)griete(n) weduwe arnts wilen willems met ja(n)ne goederthuys/ hue(re)n behuwede(n) sone en(de) p(ro)cur(eur) aenlegge(re)n ter eend(er) zijden en(de)/ everarde de pape ende vrancken lyemi(n)c tynnenpotghiete(r)/ elc hue(re)r soe verre het he(n) aenghinc verweerde(re)n ter ande(re)/ Om seke(re) gebruyken beyde van eend(er) heymelich(eyt) en(de) twee/ doren die bijden voirs(creven) verweerde(re)n genomen en(de) gestelt/ wae(re)n achter en(de) besijden vand(en) huyse geheete(n) den rooden leeu/ gelege(n) inde proefstrate tussche(n) thuys geheete(n) den nyeuwe(n)/ steen dat everart dair een lange wile beseten heeft/ ter eend(er) zijden en(de) thoec huys jans poelmans wape(n)makers/ ter ande(re) comen(de) acht(er) tot aen een scaelgie over de welcke men/ uut desen erve en(de) oic uut den erve geheeten den aer der voirs(creven)/ wed(uwen) inde cortstrate gelegen naest den huyse geheeten galissien/ oic den voirs(creven) everarde toebehoe(re)nde recht en(de) gebruyc hadden/ genome(n) totten borreputte staen(de) achter besijden des voirs(creven) jans
//
poelmans huyse opt pleynken ald(air) welc erve vand(en) rooden/ leeuwe dat wilen gorde [vacat] leermake(r) en(de) d(air)nae den/ voirs(creven) vrancke(n) geheel toebehoirde nu in tween gespleten was/ d(air) af de selve vrancke deen hadde behouden en(de) dande(re) den voirs(creven)/ everarde vercocht en(de) wordde dat gebruyc genome(n) mette(n) voirs(creven)/ twee doren en(de) oic opde voirs(creven) heymelich(eyt) soe wel uute(n) eene(n) deele/ van dien erve als uute(n) ande(re)n Vanden welcken de voirs(creven)/ wed(uwe) en(de) hue(r) p(ro)cur(eur) aenlegg(er)s thue(re)n versueke gelesen sijnde div(er)se/ br(ieven) d(air) mede voirmaels den voirs(creven) aer verhandelt was geweest/ en(de) trecht vand(er) scaelgie(n) hadde behouden hen beclaechde(n) van ongebruyke/ hopen(de) ende meynen(de) voir al want zij onder den ande(re)n boden te/ bewijsen dat dat erve vand(en) rooden leeuwe alst den voirs(creven)/ gorde d(air) nae vrancke(n) geheel toebehoirde mair een dore en hadde/ aen de voirs(creven) scaelgie om dair dan over de selve scaelgie totten/ voirs(creven) putte te gane ende voirt dat de voirs(creven) heymelich(eyt) dair/ gemaect was bijden voirs(creven) vrancken ende everarde oft den eene(n)/ van hen op de voirs(creven) scaelgie die d(air) vanouts niet gestae(n) en/ hadde dat hen beyde die ongebruyken te weten(e) deen dore/die d(air) van nyeuws gestelt sijnde vand(en) ii[en] en(de) oic de voirs(creven)/ heymelich(eyt) afgedaen soude(n) werde(n) oft ten minste(n) aengaen(de)/ der voirs(creven) heymelich(eyt) Dat zij d(air) toe soe wel hue(re)n ganc en(de)/ gebruyc hebben souden van hue(re)n erve als de verweerde(re)n en(de)/ dat de selve verweerde(re)n niet sculdich en wae(re)n dair meer/ dan een dore die dair van outs hadde gestaen te stellen oft te/ houde(n) hen des getroesten(de) totten rechte te voirde(r) oic want/ soudt soe zijn dat elc der verweerde(re)n een dore hebben soude/ moeg(en) ende gebruken der voirs(creven) heymelich(eyt) zoe soude oic de/ voirs(creven) everart niet alleene uut desen deele vand(en) rooden/ leeuwe bij he(m) ald(air) vercrege(n) mair oic uut zijne(n) huyse geheete(n)/ den nyeuwen steen dat hij d(air) overlanc gehadt hadde Dwelc/ hij nu al een gemaect hadde en(de) tsame(n) gevuecht sonder/ onderslach tselve gebruyc en(de) die vrijdich(eit) moegen neme(n) ende/ voirt oft hij ter noch senen huysen aldaer naest gecrege soe/ mocht van dien tgelike gebueren Dat alsoe niet sculd(ich) en/ was te geschien hen des getroesten(de) totten rechte Teg(en)/ dwelc de voirs(creven) verweerde(re)n hen verantwerden(de) deden oic/ lesen div(er)se brieve(n) ende onder den ande(re)n seke(re) gueding(en) d(air)/ mede de possesseur vand(en) aer en(de) rooden leeu voirs(creven) den selve(n)/ rooden leeu hadde gederft met oic den gebruyke over de/ voirs(creven) scaelgie totten voirs(creven) wat(er)putte en(de) oic i uutsprake/ vand(er) stad meeste(re)n van ouden tiden gedaen tussche(n) de besitters/ vand(en) voirs(creven) ii erven vand(en) aere en(de) rooden leeuwe Dair onder/ den ande(re)n bij bleecc dat onder de scaelgie plach te stane/ eene heymelich(eyt) die beyde den selven erven gemeyn was/ en(de) te gemeynen coste en(de) gebruyke stont tonderhouden en(de)
//
te gebruyken ende d(air)entinde(n) deden zij segge(n) soe wat rechte oft/ gebruyke dat tgeheel hadde dat moeste tdeel van dien hebben en(de)/ want dan bleke bij brieve(n) en(de) zij oic p(rese)nteerde(n) te thoene(n) dat den/ geheelen rooden leeu tgebruyc hadde gehadt over de voirs(creven) scaelg(ie)/ totten voirs(creven) putte over x xx xxx jae(re)n en(de) dagen Soe hoepte(n)/ zij op dat zij dat alsoe conste(n) gethoene(n) dat dan tdeel van dien/ soe wel des voirs(creven) everarts als vrancx en(de) vrancx als everarts/ ende elc bezund(er) tselve gebruyck hebben soud(en) moeg(en) ende/ aengaen(de) der voirs(creven) heymelich(eyt) hoopten zij dat zij die/ niet sculdich en wae(re)n af te doen(e) noch dat de aenlegge(re)n/ d(air) af gheen gebruyc hebben en souden want zij die niet/ en hadden becosticht oick en wae(re)n die den aenlegge(re)n nerge(re)ns/ te hinde(r) aen hen gebruyc en(de) alsoe wae(re)n de voirs(creven) aenlegge(re)n/ met hue(re)r aenspraken die huer niet alleene en fondeerde/ in possessorio mair oic in petitorio verdoolt Niet te min hadden/ de voirs(creven) aenlegge(re)n willen doen opgrave(n) doude heymelich(eyt)/ die aldaer onder de voirs(creven) scaelgie nae uutwijsen der voirs(creven)/ uutspraken plach te staen(e) d(air)af ondersuec doen ende die/ hulpen doen opmaken te geliken coste en(de) d(air) af gelijc gebruyc/ willen neme(n) des neen zij souden van geliken hebben gedaen/ en(de) oick afgedaen hebben tgene des van hue(re)r zijden d(air)inne/ belet hadde moegen doen Dwelc zij alnoch p(rese)nteerd(en) te/ doen(e) voir alle vo(n)nisen Mair want hen dat niet en/heeft hadde moegen gebue(re)n soe hadden zij op hen selve(n)/ die ald(air) gestelt thue(re)n coste en(de) gerieve en(de) dair af tgebruyc/ genome(n) alsoe zij hopen dat zij wel doen mochten oic/ gedroegen zijs hen totten ghene(n) die dair gegrave(n) gemetst/ en(de) geweest hadden alse zij dese voirs(creven) heymelicheyt op hen/ selven begonsten te doen maken dat dair bewijssenisse/ was vand(en) mue(re)n ende fondeme(n)ten der ouder heymelicheyt/ voirs(creven) Op welcke pointen voirs(creven) van elk(en) p(ar)tien vermeten/ en(de) meer ande(re)n bij hen in wederssijden bijgeleecht beyde/ de selve p(ar)tie(n) tot hue(re)n thoene gewijst zijn Ende die in/ wed(er)ssijden gehoort zijnde met oic allen alligacie(n) salvacie(n)/ en(de) reprochen ter eender en(de) and(er) zijden Soe hebben de/ scepen(en) van loeven(e) ter manissen smeyers gewesen voir een/ vo(n)nisse soe verre de weduwe willems wilt hebben/ gebruyc van eend(er) heymelich(eyt) op de scaelgie dat zij dan/ naevolgen(de) der p(rese)ntacie(n) hue(re)r wederp(ar)tien sal doen maken/ en(de) op heffen doude voute die aldaer plach te do staen(e)/ ende die onderhouden te geliken coste en(de) dat in dien
//
gevalle everart ende vrancke sullen afdoen dletsel van/ metselrien vand(er) nuwer heymelich(eyt) dair aen hinderlijc sijnde/ en(de) dat elc gedeelte met eend(er) doren vand(en) huyse geheeten/ den rooden leeu nu in tween gedeylt sal hebben sijn gebruyc/ vand(er) selver heymelich(eyt) ende over de scaelgie totten putte/ Behoudelijc dat everart uut besette van sijne(n) erve geheete(n)/ den nuwen steen tot dien gebruke gheen recht hebben en/ sal lata p(rese)ntib[(us)] om(n)ib[(us)] scabinis dempto borch(oven) febr(uarii) viii