Vande(n) gedinge dat geweest heeft inde banck voir meye(r) en(de) scep(enen)/ va(n) loven(e) tussche(n) janne vande(n) dale zone giel(ijs) vand(en) dale als p(ro)cur(eur)/ vranx loenkens geleyt zijnde nae des(er) stat recht tot alle(n) de(n) goeden/ have en(de) erve jans vande(n) dale brued(er)s des voirs(creven) giel(ijs) en(de) oem svoirs(creven)/ jans t(er) eender zijden en(de) den selve(n) ja(n)ne vande(n) dale den oem v(er)weerde(r)/ t(er) ande(re) Ald(air) de voirs(creven) jan gielijssone als p(ro)cur(eur) gelijck vo(r)e dede lesen/ tvoirs(creven) beleyt des voirg(enoemde) vranx vand(er) daet no(vem)[br(is)] ii a(nn)[o] lxxvi gedae(n)/ voir eene(n) leen lijfpen(sien) en(de) d(air)entende(n) dede hij segge(n) dat uuyt crachte/ va(n) dien en(de) de(n) versuecbr(ieve) vand(er) stat de goede des voirscr(even) jans/ zijns oems he(m) gelev(er)t ware(n) versueken(de) dat he(m) die vo(n)nislijck/ aengewesen werde(n) om de schult d(er) voirscr(even) scepen(en) br(ieven) die hij/ bij eede des gheens dient behoirde p(rese)nteerde te doe(n) ve(r)ifice(re)n d(air)aen/ te moege(n) neme(n) hopen(de) dat hem dat sculdich wa(r)e te geschie(n)/ Dair tegen de voirscr(even) jan vande(n) dale v(er)weerde(r) he(m) v(er)antweerden(de)/ dede segge(n) dat soe de voirscr(even) gielijs vande(n) dale zijn brueder/ zoe lang jan zijn zone v(er)cocht hadde(n) een ca(m)me met hue(re)n toebeh(oirten)
//
te ghete gelegen om den voirscr(even) leen lijfpen(sien) d(air)mede te betale(n)/ en(de) dat gerardt de sart die hadde gecocht en(de) was op hem/ bleve(n) en(de) dat dat v(er)coope(n) was geschiet uuyt crachte van/ beleytbr(ieven) en(de) uuyt bevele d(er) stat va(n) loven(e) dat voirt dien coop/ gedroech lj rinssche guld(en) en(de) dat jan de ae(n)legge(r) oft zijn vader/ gielijs va(n) dier so(m)men hadde gehave(n) xxi pet(er)s en(de) tussche(n) hen/ was gepasseert een appointeme(n)t voir scepen(en) va(n) loven(e) beg(ri)pen(de)/ een zeker uuytstel tussche(n) p(ar)tie(n) geschiet bynne(n) welke(n) middele/ men v(er)volch soude hebbe(n) moege(n) doen op rase platvoet zijn wijff/ oft hue(r) goede d(air)af de schult oirspronck nam Dat voirt de betali(n)ge(n)/ der voirscr(even) xxi pet(er)s oft soe vele als de getuyge(n) gestae(n) soude(n)/ was geschiet zeder dien appointeme(n)te en(de) dat tsurplus vand(en)/ voirscr(even) pe(n)ni(n)gen noch stont onder den voirscr(even) gerarde en(de) bereet/ was als de gereede guedinge bijde(n) geleydde(n) gedae(n) ware/ vand(er) ca(m)men dese en(de) meer ande(re) pointe(n) p(rese)nteerde de v(er)weerde(r)/ te thoenen(e) Hopen(de) wair hijt gethoene(n) conste dat hij en(de) zijn/ goede d(er) aensprake(n) voirscr(even) soude(n) zijn ongehoude(n) hem des/ getroesten(de) totte(n) rechte den voirscr(even) procur(eur) de (contra)rie sustine(re)nde/ hoepte datme(n) niet bevi(n)den en soude e(m)mer dat voir dese lijfpen(sien)/ vand(en) voirscr(even) leen e(n)nich v(er)coope(n) wa(r)e geschiet oft d(air)af e(n)nige/ betalinghe gedaen anders dan de so(m)me va(n) vijf crone(n) eens/ die hij d(air)op bekinde betaelt te zijne Soe v(er)re dat de v(er)weerde(r)/ tsijne(n) thoene gewijst zijnde dies soe volcomelijck niet en volqua(m)/ als hij he(m) des hadde v(er)mete(n) Wairt gewijst bij scepen(en) van loven(e)/ t(er) manisse(n) smeyers dat den voirs(creven) beleyde volge(n) sulle(n) de beleydde/ goede tott(er) wettig(er) schult behoef soe v(er)re die geve(r)ificeet sal w(or)d(en)/ bij eede vand(en) ghene(n) dient behoirt behalve(n) dat aende selve/ schult cortte(n) sal de voirs(creven) bekinde so(m)me va(n) v crone(n) cor(am) scab(inis)/ in scampno febr(uarii) ultima