SAL7373, Act: R°274.1-V°274.1 (599 of 786)
Search Act
previous | next
Act R°274.1-V°274.1  
Act
Date: 1480-03-27

Transcription

2021-02-12 by Greet Foblets
Van allen questien dissencien ende geschille(n) die totten dage va(n)/
heden geweest en(de) uuytgestaen hebben tussche(n) h(er) janne va(n)/
dyeve(n) p(ri)este(r) renu(n)cie(re)nde tot desen van alle(n) p(ri)vilegie(n) d(er) univ(er)siteyt/
en(de) ande(re) en(de) symone va(n) wesenbeke t(er) eender ende janne van/
leeuwe ter ande(r) zijden het zij va(n) realen oft va(n) p(er)sonele(n)/
oft cuule(n) materien Hebben hen de voirscr(even) p(ar)tien gesubmitt(eer)t/
ende verbonden inde segge(re)n ende mi(n)lijcke yffene(re)n hier nae/
volgen(de) Te weten(e) de voirscr(even) h(er) jan en(de) symoen in he(re)n/
janne van loe p(ri)este(r) prochiaen va(n) wiltsele ende janne/
vanden elsbroeke Ende de voirscr(even) jan van leeuwe in/
matheeuse(n) colx ende janne goederthoys In sulker vuege(n)/
dat de voirscr(even) p(ar)tien den voirs(creven) segge(re)n informe(re)n sullen/
en(de) bij monde opdoen elck zijne(n) eysch en(de) gebreken en(de)/
alsoe bij monde antweerde(n) replice(re)n ende duplice(re)n tusschen/
dit en(de) [sdond(er)d(aigs) nae] beloken(en) paessche(n) op eene(n) zeke(re)n dach en(de) plaetse(n)/
die de voirs(creven) segge(re)n hen d(air)toe noeme(n) en(de) ordine(re)n sulle(n) Dat/
de selve segg(er)s d(air)entenden elker p(ar)tie(n) ordine(re)n sulle(n) eenen/
zeke(re)n gelegen(en) dach om taenhoire(n) alle thoenisse(n) en(de) p(ro)ductie(n)/
die elke vande(n) selve(n) p(ar)tien sal wille(n) doe(n) en(de) leyden soe/
v(er)re den segge(re)n redelijck dunct D(air)toe elke p(ar)tie zijn/
getuyge(n) talle(n) plaetse(n) mett(er) stat br(ieven) va(n) loven(e) sal doe(n) v(er)suek(en)/
ten coste vand(en) ongelijken va(n) br(ieven) wijne en(de) getuyge(n) Ende/
dat de segg(er)s alle bescheyt claernisse en(de) thoenisse gehoirt/
hebben(de) hue(r) eendrechtige uuytsprake op alle geschillen/
doen sullen tusschen dit en(de) beloken(en) sinxen(en) d(air) naestvolgen(de)/
vanden pointen en(de) questien d(air)inne zij sulle(n) ov(er)come(n) en(de) van/
tghene d(air)inne zij niet en sulle(n) ov(er)come(n) bynne(n) den selve(n)/
tijde goets tijts die sake(n) en(de) questie(n) met tghene des/
voir hen van thoenisse en(de) anders come(n) sal zijn in gescrifte/
eendrechtelijck geset hebben(de) die drage(n) voe(r) de he(re)n scep(enen)/
van loven(e) en(de) hale(n) een vo(n)nisse om den wijn Item oft e(n)niger/
p(ar)tien segg(er) gebrake bij nootsake(n) ziech(ten) oft and(er)s dat de drie van
//
hen bij fauten van dien de sake handele(n) sulle(n) moege(n) va(n) dage/
te dage die als vo(r)e genome(n) sulle(n) worde(n) en(de) hue(r) uuytsprake/
doe(n) van zoe v(er)re zij als vo(r)e ov(er)come(n) en(de) van des zij niet en/
sulle(n) ov(er)come(n) van elker zijde(n) een de sake in gescrifte gestelt/
moege(n) over drage(n) voir scepen(en) voirs(creven) om een vo(n)nisse va(n) rechte/
te hebben(e) geloven(de) de voirscr(even) p(ar)tien elck van hen zijn segg(er)s/
in dien te hebben(e) dat zij hue(r) uuytsprake doen sulle(n) van/
zoe v(er)re sij sulle(n) ov(er)comen en(de) van des zij niet s en sulle(n) ov(er)come(n)/
dat zij die drage(n) sulle(n) voir scepen(en) va(n) loven(e) soe voirs(creven) es/
geloven(de) elke der voirscr(even) p(ar)tien tghene des voirs(creven) es wel/
en(de) volcomelijck tacht(er)volge(n) en(de) [te] voldoen(e) alle tghene des bijde(n)/
voirs(creven) segg(er)s oft scepen(en) uuytgesproke(n) oft gewese(n) sal worde(n)/
en(de) elck va(n) p(ar)tien op eene pene oft abanduyn h van/
hond(er)t crone(n) te lxxii pl(a)c(ken) tstuck tderdel d(air)af tot behoeff/
ons gened(ichs) he(re)n tshertoge(n) van oesterijck va(n) brab(ant) tderdel d(air)aff/
tot behoeff vand(en) he(re) d(air)onder de gebreclijke bevonde(n) sal w(or)d(en)/
en(de) tderde derdendeel tot behoef vand(er) p(ar)tie(n) die des voirs(creven) es/
acht(er)volchde Ende opde vuege(n) voirscr(even) hebbe(n) de voirs(creven)/
segg(er)s d(i)c(t)i d(omin)us joh(ann)es de loe et goed(er)thoys renu(n)c(iantes) dese/
sake ae(n)genome(n) en(de) geloeft te handele(n) en(de) dien te acht(er)volge(n)/
hebbe(n) Voirt geloeft de voirs(creven) p(ar)tie(n) opde(n) voirs(creven) banduyn dat zij/
deen dande(r) bynne(n) den yersten drie ja(r)en toecomen(de) va(n) gheene(n)/
ande(re)n sake(n) hoedanich die wa(r)en nader uuytsprake(n) en sullen moege(n)/
vexe(re)n noch moeyen in gheene(n) rechte Het en zij bij consente/
van twee d(er) voirscr(even) segg(er)s va(n) elker zijden een alle fraude en(de)/
argelist uuytgescheyden cor(am) oppendorp borch(oven) m(ar)cii xxvii
ContributorsGreet Stevens
Moderated byGreet Stevens
Last update: 2016-12-12 by Jos Jonckheer