It(em) jan vand(en) stade ende lijsbeth thijs sijn wijf in p(rese)ncia hebben/ genome(n) en(de) bekint dat zij genomen hebben van jouffr(ouwen) gheertrud(en)/ van langrode weduwe henr(ix) wilen van wynghe thoff/ der voirs(creven) jouffr(ouwen) geheete(n) tstoeten met huyse(n) hove(n) schue(re)n/ landen beemde(n) en(de) ande(re)n toebehoirte(n) uutgenomen de/ porte de getiegelde schue(r) tgetiegelde woonhuys metten/ cleyne(n) pertstalle dair aen staende en(de) oic mette(n) bogaert dair/ achter gelege(n) strecken(de) langs der [vacat] metter schue(re)n tot/ op de grecht Te houden te hebben ende te wynne(n) van/ half merte naestcomen(de) eene(n) t(er)mijn van tweelf jae(re)n lang/ deen nae dand(er) sonder middel vervolgen(de) Elcx jaers d(aer)enbinne(n)/ om ende voe(r) Te weten(e) tvoirs(creven) hoff metten wynnen(de) landen
//
om ende voe(r) de helicht van alle den vruchte(n) opde selve/ goede jaerl(icx) wassen(de) die de voirs(creven) winne(n) jaerl(icx) sulle(n) moete(n)/ afdoen en(de) inden bant leve(re)n en(de) der selver jouffr(ouwen) g(er)truyt helicht/ in de schuere vueren en(de) tassen voir en(de) eer zij hue(r) helicht sulle(n)/ moege(n) inne vueren sonder cost der voirs(creven) jouffr(ouwen) g(er)trude(n) Ende de/ voirs(creven) beemde(n) om en(de) voe(r) sesse pet(er)s te xviii stuv(er)s tstuc alle/ jae(re) s(in)[t] m(er)tens(mis)s[e] te betalen(e) en(de) te loeven(en) te leve(re)n Met condicie(n)/ dat de voirs(creven) wynne(n) als dbosch [oft eusselen] gehouwe(n) sal zijn hue(r) beesten/ d(air) inne niet en sullen moege(n) drive(n) binne(n) twee jae(re)n d(air)nae/ It(em) sullen de voirs(creven) wynne(n) jaerlicx den voirs(creven) t(er)mijn due(re)nde de/ voirs(creven) lande(n) wel en(de) loflijc wynne(n) werven mesten en(de) besaeyen/ op hue(r) getidege voren te weten(e) den winteraert op vie(r) voren/ den someraert op iii voren en(de) die stoppelen eens o(m)me gedaen/ en(de) te hue(re)n afsceyden die alsoe laten It(em) als vand(en) mesten/ en sullen de winne(n) mair twee dage(n) meste(n) zij en sullen/ dat moete(n) onder doen en(de) dat mest te drien zijden aen de cant/ gesedt ende elcken hoop vier screden int vier cant staen(de) van/ een En(de) ten drien st leste(n) jae(re)n van hue(re)n afsceyde(n) en sulle(n) de/ voirs(creven) wynne(n) gheen mest onder doen die wynne(n) en sullen dat/ der voirs(creven) jouffr(ouwen) g(er)truyt yerst cundige(n) om te visite(re)n oft dmest/ gesedt is nae der voirs(creven) vorweerde(n) It(em) de wynnen sullen de/ voirs(creven) goeden jaerlijcx den voirs(creven) t(er)mijn due(re)nde wel en(de) loflijc/ bevreden en(de) die tot hue(re)n afsceyden wel en(de) loflijc bevreet/ laten It(em) is vorweerde dat de voirs(creven) wynne(n) jaerl(icx) den voirs(creven)/ t(er)mijn due(re)nde wel en(de) loflijc [sulle(n)] moete(n) bevreden sulle(n) moete(n)/ veghe(n) en(de) houde(n) alle strate(n) wege(n) en(de) wat(er)leyden in aen en(de)/ omtrent den voirs(creven) goeden gelege(n) sond(er) cost oft last der voirs(creven)/ jouffr(ouwen) g(er)trude(n) It(em) is vorweerde soe wa(n)neer d(er) voirs(creven)/ jouffr(ouwen) helicht gedorssche(n) sal zijn dat dan de wynne(n) huer/ helicht te loeven(en) vue(re)n sullen ten winne(n) costen en(de) d(air) voe(r)/ sulle(n) de winne(n) hebbe(n) caf en(de) stroe It(em) is vorweerde dat de/ voirs(creven) jouffr(ouwe) jaerl(icx) sal doen steken twee cuyte(n) merghels/ en(de) die sulle(n) de voirs(creven) wynne(n) moete(n) halen met hue(re)n/ wagen(e) ende p(er)de(n) ende vue(re)n opde voirs(creven) lande(n) alsoe wel/ opde verste als opde naeste tot hue(re)n meeste(n) p(ro)ffite En(de) de/ voirs(creven) jouffr(ouwe) sal den mergel en(de) tsteken betalen It(em) de voirs(creven)/ wynne(n) sullen jaerlicx hebben tot hue(re)n verdoene een half/ boend(er) lants dair ment hen bewijsen sal niet vand(en) beste(n)/ noch vand(en) maetsten om d(air) in te wynne(n) inde(n) someraert/ van dat hen best believe(n) sal It(em) sullen de voirs(creven) wynne(n) alle/ tstroe vand(en) voirs(creven) goede(n) comen(de) met hue(re)n beesten etten en(de) slijten/ en(de) d(air) af mest maken en(de) dat opde voirs(creven) landen vue(re)n sond(er) enich
//
stroe oft mest uute(n) voirs(creven) hove te vueren(e) oft te doen vuere(n) en(de)/ d(air)af claernisse doen ten lesten tide soe verre der voirs(creven) jouffr(ouwen)/ believe(n) sal It(em) sal de voirs(creven) jouffr(ouwe) den voirs(creven) wynne(n) jaerlicx doen/ mayen vijftich dage(n) heyde(n) oft meer soe dat der selv(er) jouffr(ouwen)/ belieft en(de) d(air)af sulle(n) de voirs(creven) wynne(n) den mayer den montcost/ geve(n) als hij maeyt d(air) hij mede te vreden zij oft he(m) d(air) voe(r)/ eene(n) stuv(er) geve(n) En(de) de heye sullen de voirs(creven) wynne(n) hale(n) en(de)/ met hue(re)n beesten te meste bringe(n) en(de) op en(de) op de voirs(creven) landen/ vue(re)n en(de) vand(er) voirs(creven) heyen te mayen sal de voirs(creven) jouffr(ouwe)/ de dachue(re)n betale(n) It(em) en sullen de voirs(creven) wynne(n) gheene/ der voirs(creven) lande(n) moege(n) hoervruchte(n) noch de voirs(creven) goede yeman(de)/ moege(n) uutgeve(n) dan bij consente d(er) voirs(creven) jouffr(ouwen) It(em) is vorw(er)de/ dat de voirs(creven) wynne(n) jaerlijcx leve(re)n sullen vijftich mandele(n)/ walms xvi walme(n) in elc bussele om opde huysen vand(en)/ voirs(creven) goeden verdect te worden En(de) alsmen dien verdect/ d(air)af sal de jouffr(ouwe) de dachue(re)n betalen en(de) de wynne(n) sullen/ den wercliede(n) den montcost geve(n) meest(er) en(de) cnapen die totten/ wercke diene(n) d(air) zij mede te vreden zijn sullen oft elcke(n) man/ eene(n) stuv(er) geve(n) It(em) de wynne(n) sullen de huysen vand(en) ouden/ wercke vand(en) voirs(creven) goeden vand(er) underster rijkelen ned(er)weerts/ houden op hue(re)n cost in goeden state En(de) alsmen dair dect/ plect ty(m)mert oft metst oft bodem veecht oft ruymt den/ oesydrup vand(en) huysen d(air) af sullen de winne(n) den werc/ lieden den montcost geven als vo(r)e en(de) de voirs(creven) jouffr(ouwe) sal de/ dachue(re)n betale(n) En(de) de wynne(n) sullen de stoffe dair toe hale(n)/ te weten(e) leem steen hout oft stroe dies men daer behoeven/ en(de) hen te halen bewijsen sal It(em) sullen de voirs(creven) wynnen/ der voirs(creven) jouffr(ouwen) jaerl(icx) houden twee vercken(en) loopen(de) metten/ hue(re)n altoes van halfmerte tot sint andriesmisse toe des/ sal die jouffr(ouwe) den wynne(n) jaerlijcx geve(n) twee ame(n) slijcx/ It(em) de voirs(creven) wynne(n) sullen jaerlijcx gehouden zijn te vuere(n)/ tot der voirs(creven) jouffr(ouwen) huyse tot loeven(en) sesse voeder houts/ tot hae(re)r berringe(n) behoef die zij omtrent den voirs(creven) hove sal/ doen maken en(de) de voirs(creven) jouffr(ouwe) sal alsdan geve(n) den wynne(n)/ den montcost En(de) al waert dat de voirs(creven) jouffr(ouwe) binne(n) e(n)nig(en)/ jae(re)n vand(en) voirs(creven) t(er)mijne gheen hout en maecte soe en sulle(n)/ nochtans de winne(n) niet gehouden zijn ten ande(re)n jae(re) dair/ nae volgen(de) e(n)nich hout te vueren der voirs(creven) jouffr(ouwen) boven de/ voirs(creven) sesse voede(re)n houts It(em) en sullen de wynne(n) voirs(creven)/ gheen hout moege(n) struncke(n) noch afhouwen aen vorlen staen(de)/ in bosschen beemden oft anders dan alleene doernen en(de) hagen
//
diemen hen bewijsen sal ende die moeten nochtans bre(n)ber blive(n)/ staen(de) It(em) de voirs(creven) wynne(n) sullen jaerlijcx der voirs(creven) jouffrouwe(n)/ leve(re)n twee mandelen stroes tot loeven(en) te hae(re)n huyse En(de)/ oic der voirs(creven) jouffr(ouwen) doen jaerlicx met waghen(e) ende peerden/ vie(r) carweyen It(em) sal de voirs(creven) jouffr(ouwe) geve(n) jaerlicx den winne/ vie(r) ellen lakens oft acht stuv(er)s voir elcke elle soe dat der/ voirs(creven) jouffr(ouwen) believe(n) sal It(em) sal men alle dooft dat jaerlijcx/ inden hoff wassen sal uutgesceyden dat acht(er) tvoirs(creven) getiechelt/ huys int cleyn bogaerdeke(n) wassen sal half en(de) half gedeylt/ zijn en(de) te geliken coste doen lesen en(de) sulle(n) de voirs(creven) wynne(n)/ der voirs(creven) jouff(rouwen) gewas vand(en) oefte thuys leve(re)n It(em) is voirt/ vorweerde dat de voirs(creven) jouffr(ouwe) vand(en) voirs(creven) wynne(n) sceyde(n)/ sal moege(n) binne(n) den yerste(n) sesse jae(re)n alsoe verre alst/ haer belieft bij alsoe soe wa(n)neer zij sceyde(n) wilt dat/ zij dat den wynne(n) een jaer te vo(r)en seggen sal It(em) is/ vorweerde dat de voirs(creven) wynne(n) niet en sullen moege(n) varen/ met hue(re)n wagen(e) oft p(eer)de(n) om hout oft ande(re) private p(ro)fijte/ te doen(e) buyten den hove sonder consent der voirs(creven) jouffr(ouwen)/ It(em) is voirt ond(er)sproken dat de voirs(creven) wynne(n) sullen de bogarde(n)/ uutroeyen van breeme(n) hage(n) en(de) doernen dair inne wassende/ en(de) oft de wynne(n) dat niet en daden dat alsdan de voirs(creven) jouffr(ouwe)/ dat sal moege(n) doen doen op den cost en(de) last der voirs(creven) wynnen/ En(de) alle dese vorweerde(n) condicie(n) en(de) gelofte(n) voirs(creven) (et)c(etera) en(de)/ ter meerd(er) sekerh(eyt) [en(de) vestich(eyt) van allen pointe(n) voirs(creven)] hebben de voirs(creven) wynne(n) gelooft der voirs(creven)/ jouffr(ouwen) g(er)trud(en) dat zij tot hue(re)r manissen huer sette(n) sullen/ tonderpande voir den leenhee(re) en(de) sijne ma(n)nen alsulcke(n) drie/ p(er)cheele(n) onder lants en(de) beemps houden(de) tsame(n) tussche(n) seve(n)/ en(de) acht dach(mael) als gelege(n) zijn te morsain tussen de zijpstrate/ en(de) de zoele(n)strate ende zij houden(de) sijn te leene vanden/ heerscape vand(er) brugge(n) dat zij oic ter manissen als/ vo(r)e der voirs(creven) jouffr(ouwen) g(er)trude(n) voir hoff en(de) hee(re) oft voir/ meye(r) en(de) scepen(en) van loeven(en) tonderpande setten sullen alsulke(n)/ vie(r) hollan(sche) guld(en) erflijc als zij met scepen(en) brieve(n) van/ aerschot hebben op een huys en(de) hoff gelege(n) te morsain/ Welcke(n) scepen(en) brief van aerschot alhier onder ons leegt/ in eene dooze dair op gescreve(n) staen jouffr(ouwe) g(er)truyt/ van langrode jan vand(en) stade en(de) lijsb(eth) thijs sijn wijf/ om dien alhier te bliven tot voldoeni(n)gen deser tegewoirdig(en)/ pechtinge(n) en(de) dat men den voirs(creven) gehuysschen dien niet wed(er)/ geven en sal voir dat alle vorweerden voirs(creven) voldaen sullen/ zijn Mair men sal hen dair mede behulp doen oft zijs
//
behoefden om de jaerlicsche rinte te hebben ende ofts/ behoefde dien leene(n) op goede caucie binne(n) eene(n) seke(re)n/ tide weder te bringe(n) ongeca(n)celleert cor(am) reth(eman) moelen/ aug(usti) ii